തിരുവനന്തപുരം: സർക്കാർ ജീവനക്കാർ വിരമിക്കുന്നതിന് ഒരു വർഷം മുമ്പ് പെൻഷന് അപേക്ഷിക്കണമെന്ന് ഉത്തരവ്. നേരത്തെ ആറ് മാസം മുമ്പ് അപേക്ഷിക്കണമെന്നായിരുന്നു. ഭാവിയിലെ ശമ്പള പരിഷ്കരണം കാത്ത് നിൽക്കാതെ കൃത്യസമയത്ത് തന്നെ അപേക്ഷകൾ സമർപ്പിക്കണമെന്ന് ഉത്തരവിൽ പറയുന്നു.
Also Read: സ്വര്ണക്കടത്ത് കേസ്; ഏഴ് പ്രതികളുടെ ജാമ്യാപേക്ഷ ഇന്ന് പരിഗണിക്കും
ശമ്പള പരിഷ്കരണം വരുന്നത് വരെ പലരും കാത്ത് നിന്ന് പെൻഷൻ അപേക്ഷകൾ വൈകിപ്പിക്കുന്നുണ്ട്. ഈ പ്രവണത അപേക്ഷകൾ തീർപ്പാക്കുന്നതിന് കാലതാമസം ഉണ്ടാക്കാൻ കാരണമാകുന്നു എന്ന് ധനവകുപ്പ് പറയുന്നു. പെൻഷൻ പ്രായം കൂട്ടാൻ സാധ്യത ഉണ്ടെന്ന് കരുതി വിരമിക്കുന്നത് വരെ അപേക്ഷ നൽകാത്തവരും ഉണ്ട്. നേരത്തെ അപേക്ഷിച്ചാലും ശമ്പള പരിഷ്കരണത്തിന്റെ ആനുകൂല്യം ജീവനക്കാർക്ക് ലഭിക്കും. ഓൺലൈൻ സംവിധാനമായ പ്രിസം വഴിയാണ് അപേക്ഷകൾ സമർപ്പിക്കേണ്ടത്.