ന്യൂഡെൽഹി: കഴിഞ്ഞ 24 മണിക്കൂറിനിടെ രാജ്യത്ത് 16,488 പേർക്ക് കൂടി പുതുതായി കോവിഡ് സ്ഥിരീകരിച്ചു. 12,771 പേർ കഴിഞ്ഞ ദിവസം രോഗമുക്തി നേടി. കേന്ദ്ര ആരോഗ്യമന്ത്രാലയം പുറത്തുവിട്ട കണക്കുകൾ പ്രകാരം 113 കോവിഡ് മരണങ്ങളും റിപ്പോർട് ചെയ്തു.
ഇതോടെ ആകെ റിപ്പോർട് ചെയ്ത കോവിഡ് കേസുകളുടെ എണ്ണം 1,10,79,979 ആയി. 1,07,63,451 പേർ ഇതുവരെ രോഗമുക്തി നേടി. 1,56,938 കോവിഡ് മരണങ്ങളും രാജ്യത്ത് റിപ്പോർട് ചെയ്തു. 1,59,590 സജീവ കോവിഡ് രോഗികളാണ് ഇന്ത്യയിലുളളത്. ഇന്ത്യയിലെ കോവിഡ് രോഗമുക്തി നിരക്ക് 97.14 ശതമാനവും മരണനിരക്ക് 1.42 ശതമാനവുമാണ്.
2,84,297 പേർക്ക് കഴിഞ്ഞ ദിവസം കോവിഡ് വാക്സിൻ നൽകിയതായി കേന്ദ്ര ആരോഗ്യ മന്ത്രാലയം അറിയിച്ചു. 1,42,42,547 പേരാണ് ഇതുവരെ കോവിഡിനെതിരായ വാക്സിൻ സ്വീകരിച്ചത്.
Read also: ഉത്തരാഖണ്ഡ് ദുരന്തം; മരണം 71 ആയി ഉയർന്നു