കാസർഗോഡ്: ജില്ലയിലെ ത്രിതല പഞ്ചായത്ത്- നഗരസഭ അധ്യക്ഷൻമാര്‍, ഉപാധ്യക്ഷൻമാര്‍ എന്നിവര്‍ക്കായി നടക്കുന്ന ഏക ദിന പരിശീലന പരിപാടി നാളെ നടക്കും. സംസ്‌ഥാന വനിത കമ്മീഷന്റെയും ജില്ലാ ഭരണകൂടത്തിന്റെയും നേതൃത്വത്തിലാണ് പരിപാടി സംഘടിപ്പിക്കുന്നത്.
കാസർഗോഡ് കളക്‌ട്രേറ്റ് കോണ്‍ഫറന്‍സ് ഹാളില്‍ രാവിലെ പത്ത് മണിക്ക് ജില്ലാ പഞ്ചായത്ത് പ്രസിഡണ്ട് ബേബി ബാലകൃഷണന്‍ പരിപാടി ഉൽഘാടനം ചെയ്യും. സ്‍ത്രീ സുരക്ഷ സംബന്ധിച്ച് പഞ്ചായത്ത്, വാര്‍ഡ് തല ജനജാഗ്രത സമിതികളുടെ ഉത്തരവാദിത്തം മനസിലാക്കി കൊടുക്കുകയാണ് പരിപാടിയുടെ ലക്ഷ്യം.
ജനജാഗ്രത സമിതികളുടെ അധികാരവും, അവര്‍ നടത്തേണ്ട ഇടപെടലുകളും സംബന്ധിച്ച വിവരങ്ങള്‍ ബോധ്യപ്പെടുത്തി പ്രശ്‌ന രഹിതമായ ഒരു വീടും നാടും സൃഷ്‌ടിക്കുന്നതിനാണ് ഇത്തരമൊരും പരിശീലന പരിപാടി സംഘടിപ്പിക്കുന്നതെന്ന് വനിത കമ്മീഷന്‍ അംഗം ഷാഹിദ കമാല്‍ പറഞ്ഞു.
ജനജാഗ്രത സമിതികള്‍ ശാക്‌തീകരിക്കാന്‍ വനിത കമ്മീഷന്‍ സംസ്ഥാനത്ത് സംഘടിപ്പിക്കുന്ന ആദ്യ പരിശീലന പരിപാടിയാണിത്. ജനജാഗ്രത സമിതികളുടെ പൂർണ ഉത്തരാവാദിത്തം ത്രിതല പഞ്ചായത്തുകൾക്കും നഗരസഭകൾക്കുമാണ്.
Malabar News: താമരശ്ശേരി ചുരത്തിൽ 15 മുതൽ ഒരു മാസത്തേക്ക് ഗതാഗത നിയന്ത്രണം
