കോഴിക്കോട്: അവയവദാനത്തിന് മാതൃകയായി കോഴിക്കോട് ജില്ലാ പഞ്ചായത്ത്. മരണശേഷം അവയവദാനം പ്രോൽസാഹിപ്പിക്കുന്നതിനുള്ള ജില്ലാ പഞ്ചായത്തിന്റെ സ്നേഹ സ്പർശം പദ്ധതിയായ ‘ജീവൽദാന’ത്തിന്റെ ഭാഗമായി കോഴിക്കോട് ജില്ലാ പഞ്ചായത്ത് അംഗങ്ങളും ജീവനക്കാരും മരണാനന്തര അവയവ ദാനത്തിന് സന്നദ്ധരായി സമ്മതപത്രം ഒപ്പിട്ട് നൽകും.
ഇന്ന് നടക്കുന്ന സൗജന്യ വൃക്ക മാറ്റ ശസ്ത്രക്രിയാ പദ്ധതിയായ സ്നേഹ സ്പർശം ജീവജ്യോതി’യുടെ ഉൽഘാടന ചടങ്ങിനിടയിൽ അവയവദാന സമ്മതപത്രം ജില്ലാ കളക്ടർ എൻ തേജ് ലോഹിത് റെഡ്ഡി മൃതസഞ്ജീവനി സംസ്ഥാന നോഡൽ ഓഫിസർക്ക് കൈമാറും. അന്ധത, ഗരുതരമായ വൃക്കരോഗം, ഹൃദ്രോഗം എന്നിവ കൊണ്ട് നിത്യദുരിതത്തിൽ ആയവർക്ക് പദ്ധതി കൈത്താങ്ങാകും.
Most Read: ദിലീപിന് മുൻകൂർ ജാമ്യം അനുവദിച്ചു; പ്രോസിക്യൂഷന് തിരിച്ചടി