റിയാദ് : സൗദിയില് കഴിഞ്ഞ 24 മണിക്കൂറില് കോവിഡ് ബാധിതരായ ആകെ ആളുകളുടെ എണ്ണം വീണ്ടും 100ല് താഴെ. 94 പേര്ക്കാണ് കഴിഞ്ഞ ദിവസം രാജ്യത്ത് കോവിഡ് സ്ഥിരീകരിച്ചത്. ഇതോടെ രാജ്യത്ത് ഇതുവരെ റിപ്പോര്ട്ട് ചെയ്ത കോവിഡ് കേസുകളുടെ എണ്ണം 3,63,155 ആയി ഉയര്ന്നു. അതേസമയം തന്നെ കഴിഞ്ഞ 24 മണിക്കൂറില് 166 പേര് കൂടി രാജ്യത്ത് കോവിഡ് മുക്തി നേടിയിട്ടുണ്ട്. രാജ്യത്തെ ആകെ കോവിഡ് ബാധിതരില് 3,54,609 ആളുകളും ഇതോടെ രോഗമുക്തരായിട്ടുണ്ട്.
കഴിഞ്ഞ 24 മണിക്കൂറില് രാജ്യത്ത് കോവിഡ് ബാധിച്ചു മരിച്ചവരുടെ ആകെ എണ്ണം 10 ആണ്. സൗദിയുടെ വിവിധ ഭാഗങ്ങളിലായി ഇതുവരെ 6,256 ആളുകളാണ് കോവിഡ് ബാധിതരായി മരിച്ചത്. രോഗമുക്തരാകുന്ന ആളുകളുടെ എണ്ണത്തിൽ ഉണ്ടാകുന്ന വര്ധന മൂലം രാജ്യത്ത് കോവിഡ് ബാധിച്ചു ചികിൽസയില് കഴിയുന്നവരുടെ എണ്ണത്തിലും കുറവ് രേഖപ്പെടുത്തുന്നുണ്ട്. നിലവില് രാജ്യത്ത് രോഗബാധിതരായി ചികില്സയില് കഴിയുന്നവരുടെ എണ്ണം 2,290 ആണ്. ഇവരില് 347 ആളുകള് ഗുരുതരാവസ്ഥയില് വിവിധ ആശുപത്രികളിലെ തീവ്രപരിചരണ വിഭാഗങ്ങളില് ചികില്സയില് കഴിയുകയാണ്.
രാജ്യത്തെ നിലവിലെ കോവിഡ് മുക്തി നിരക്ക് 97.6 ശതമാനവും, മരണനിരക്ക് 1.7 ശതമാനവുമാണ്. കഴിഞ്ഞ 24 മണിക്കൂറില് രാജ്യത്ത് കോവിഡ് സ്ഥിരീകരിച്ചവരില് ഏറ്റവും കൂടുതല് ആളുകള് റിയാദില് നിന്നാണ്. 34 പേര്ക്കാണ് ഇവിടെ കഴിഞ്ഞ ദിവസം രോഗം സ്ഥിരീകരിച്ചത്.
Read also : ഇന്ത്യയിൽ നിന്നും നേരിട്ടുള്ള വിമാന സർവീസുകൾക്ക് സൗദിയിൽ വിലക്ക് തുടരും