മുംബൈ: അഴിമതിയാരോപണം നേരിടുന്ന മഹാരാഷ്ട്ര ആഭ്യന്തരമന്ത്രി അനില് ദേശ്മുഖ് രാജിവെച്ചു. ഇദ്ദേഹത്തിനെതിരെ മുംബൈ പോലീസ് കമ്മീഷണര് സമര്പ്പിച്ച അഴിമതിയാരോപണ കേസ് സിബിഐക്ക് വിടാന് ബോംബെ ഹൈക്കോടതി ഉത്തരവിട്ടതിന് തൊട്ടുപിന്നാലെയാണ് രാജി. മുഖ്യമന്ത്രി ഉദ്ധവ് താക്കറെക്ക് അദ്ദേഹം രാജിക്കത്ത് കൈമാറിയതായി എന്സിപി നേതാവ് നവാബ് മാലിക് പറഞ്ഞു.
മന്ത്രിക്കെതിരായ ആരോപണങ്ങളെപ്പറ്റി വിശദമായി അന്വേഷണം നടത്തി 15 ദിവസത്തിനുള്ളില് എഫ്ഐആര് സമര്പ്പിക്കാന് ഹൈക്കോടതി ഉത്തരവിട്ടിരുന്നു. ഐപിഎസ് ഓഫീസറായ പരംബീര് സിംഗ് മുഖ്യമന്ത്രി ഉദ്ധവ് താക്കറെക്ക് അയച്ച കത്തിലാണ് ആഭ്യന്തരമന്ത്രി അനില് ദേശ്മുഖിനെതിരെ ഗുരുതര ആരോപണങ്ങള് ഉന്നയിച്ചത്.
വിവിധ ബാറുകളില് നിന്നും റെസ്റ്റോറന്റുകളില് നിന്നും മറ്റ് സ്ഥാപനങ്ങളില് നിന്നുമായി പ്രതിമാസം 100 കോടി രൂപ സമാഹരിക്കാന് മന്ത്രിക്ക് ലക്ഷ്യമുള്ളതായി പോലീസ് ഉദ്യോഗസ്ഥന് സച്ചിന് വാസെയോട് പറഞ്ഞതായാണ് പരംബീര് സിംഗിന്റെ കത്തിലെ ആരോപണം. മുകേഷ് അംബാനിയുടെ വസതിക്ക് സമീപം സ്ഫോടക വസ്തുക്കള് നിറച്ച വാഹനം കണ്ടെത്തിയ സംഭവത്തില് അറസ്റ്റിലായ പോലീസ് ഉദ്യോഗസ്ഥനാണ് വാസെ.
മുകേഷ് അംബാനിയുടെ വസതിക്ക് സമീപം കാറില് സ്ഫോടക വസ്തുക്കള് കണ്ടെത്തിയതുമായി ബന്ധപ്പെട്ട് കേസ് അന്വേഷണം നടക്കുന്നതിനിടെയാണ് പോലീസ് മേധാവിയായ പരംബീര് സിംഗിനെ തല്സ്ഥാനത്ത് നിന്ന് മാറ്റി. ഇതിന് പിന്നാലെയാണ് പരംബീർ സിംഗ് ആരോപണവുമായി രംഗത്ത് വന്നത്.
Read Also: ഒറ്റക്കാൽ വെച്ച് ബംഗാളില് വിജയക്കൊടി പാറിക്കും; മമതാ ബാനർജി