മുംബൈ: സെൻട്രൽ മുംബൈയിലെ ഷോപ്പിങ് മാളിൽ തീപിടുത്തം. വ്യാഴാഴ്ച രാത്രിയോടെയായിരുന്നു സംഭവം. നാഗ്പട സിറ്റി സെൻട്രൽ മാളിലാണ് അപകടം ഉണ്ടായത്. തീ പടർന്നതോടെ സമീപത്തെ കെട്ടിടങ്ങളിലുള്ള 3500ഓളം പേരെ ഒഴിപ്പിച്ചു.
#UPDATE Mumbai: Operation underway by 24 fire engines & 6 water tanks to douse the fire at City Centre Mall in Nagpada area.
Two fire personnel, who got injured during firefighting operation, treated & discharged. https://t.co/RnyWN3LeKI pic.twitter.com/XeLEGucuol
— ANI (@ANI) October 23, 2020
അഗ്നിശമന സേനയെത്തി തീയണക്കാൻ ശ്രമിക്കുന്നുണ്ടെങ്കിലും ഇപ്പോഴും നിയന്ത്രണ വിധേയമായിട്ടില്ല. തീ പടരാനുള്ള കാരണം ഇതുവരെ വ്യക്തമല്ല. മാളിലെ രണ്ടും മൂന്നും നിലകളിലാണ് തീപിടുത്തമുണ്ടായത്. ഷോപ്പിങ് മാളിനോട് ചേർന്നുള്ള 55 നില കെട്ടിടത്തിലെ ആളുകളെയാണ് രക്ഷാസേന ഒഴിപ്പിച്ചത്. തീയണക്കാൻ ശ്രമിക്കുന്നതിനിടെ രണ്ട് അഗ്നിശമന സേനാംഗങ്ങൾക്ക് പരിക്കേറ്റു. 24 യൂണിറ്റുകളായി എത്തിയ 250ഓളം ഉദ്യോഗസ്ഥരാണ് രക്ഷാപ്രവർത്തനം നടത്തുന്നത്.
Also Read: സിദ്ദീഖ് കാപ്പന്റെ അറസ്റ്റ്; മോദിക്ക് കത്തയച്ച് അന്താരാഷ്ട്ര മാദ്ധ്യമ സംഘടനകള്