കോഴിക്കോട്: ബൈക്കില്‍ കറങ്ങി നടന്ന് സ്‍ത്രീകളുടെ മാല പൊട്ടിക്കുന്നയാള്‍ പിടിയില്‍. നല്ലളം ഗിരീഷ് തിയേറ്ററിന് സമീപം ആശാരി തൊടിയില്‍ നൗഷാദ് (41) ആണ് കോഴിക്കോട് സിറ്റി ക്രൈം സ്‌ക്വാഡിന്റെയും മെഡിക്കല്‍ കോളേജ് പോലീസിന്റെയും പിടിയിലായത്. കോഴിക്കോട് നഗരത്തിലെ വിവിധയിടങ്ങളിൽ നിന്ന് ഇയാൾ മുപ്പതിലധികം മാല മോഷണം നടത്തിയിട്ടുണ്ട്.
മായനാട് കളരി ബസ് സ്‌റ്റോപ്പിന് സമീപം വാഹന പരിശോധനക്കിടയിലാണ് പ്രതി പിടിയിലായത്. ചേവായൂര്‍, മെഡിക്കല്‍ കോളേജ് പോലീസ് സ്‌റ്റേഷന്‍ പരിധികളില്‍ നിന്നും മുപ്പതിലധികം മാല മോഷണം നടത്തിയിട്ടുള്ളതായി ചോദ്യം ചെയ്യലിനിടയിൽ പ്രതി പോലീസിനോട് സമ്മതിച്ചിട്ടുണ്ട്. കോടതിയില്‍ ഹാജരാക്കിയ ഇയാളെ 14 ദിവസത്തേക്ക് റിമാന്‍ഡ് ചെയ്‌തു.
National News: പഞ്ചാബിൽ കർഷക പ്രതിഷേധം; 19 ട്രെയിനുകൾ റദ്ദാക്കി
