കണ്ണൂർ: കുടിവെള്ള ക്ഷാമം നേരിടുന്ന പ്രദേശങ്ങളിൽ പുതിയ പദ്ധതി നടപ്പാക്കാൻ ഒരുങ്ങി മട്ടന്നൂർ നഗരസഭ. കുടിവെള്ളം ലഭിക്കാത്ത ഭാഗങ്ങളിൽ കുഴൽകിണർ നിർമിച്ച് ആ ഭാഗത്തുള്ള വീട്ടുകാർക്ക് പൈപ്പ് ലൈൻ വഴി വെള്ളം എത്തിക്കുകയാണ് ലക്ഷ്യം. പദ്ധതിക്ക് വേണ്ടി രണ്ട് സെന്റ് ഭൂമി നഗരസഭക്ക് വിട്ടുനൽകുന്ന ആദ്യത്തെ നാല് കേന്ദ്രങ്ങളിലാണ് തുടക്കത്തിൽ കുഴൽകിണറുകൾ കുഴിക്കുക. മട്ടന്നൂരിൽ കുടിവെള്ള ക്ഷാമം നേരിടുന്ന 16 കേന്ദ്രങ്ങൾ ഉള്ളതായാണ് നഗരസഭയുടെ കണക്ക്. ഈ സാഹചര്യത്തിൽ അയ്യലൂർ, മരുതായി, എളന്നൂർ, പൊറോറ, നാലാങ്കേരി തുടങ്ങിയ വാർഡുകളിൽ കിണർ റീചാർജ് ചെയ്യുന്നതിനുള്ള സൗകര്യം ഒരുക്കിയിട്ടുണ്ട്.
Also Read: വികസന പ്രവർത്തനങ്ങൾക്കായി ഒരു ലക്ഷം കോടി; തദ്ദേശ സ്ഥാപനങ്ങളെ കാത്ത് വൻ സാധ്യതകൾ