കൊച്ചി: മീഡിയ വൺ ചാനലിന്റെ സംപ്രേഷണ വിലക്ക് ശരിവച്ച ഹൈക്കോടതി സിംഗിൾ ബെഞ്ച് ഉത്തരവിന് എതിരെ സമർപ്പിച്ച അപ്പീലിൽ ഹൈക്കോടതി ഡിവിഷൻ ബെഞ്ച് ഇന്ന് വിധി പറയും. ചാനല് ഉടമകളായ മാധ്യമം ബ്രോഡ്കാസ്റ്റിംഗ് ലിമിറ്റഡും ചാനല് എഡിറ്റര് പ്രമോദ് രാമനും കേരള പത്രപ്രവര്ത്തക യൂണിയനുമാണ് കേന്ദ്ര സർക്കാർ നടപടി ശരിവച്ച സിംഗിൾ ബെഞ്ച് ഉത്തരവിന് എതിരെ അപ്പീല് നല്കിയത്.
ചീഫ് ജസ്റ്റിസ് എസ് മണികുമാര്, ജസ്റ്റിസ് ഷാജി പി ചാലി എന്നിവരടങ്ങുന്ന ഡിവിഷൻ ബെഞ്ച് രാവിലെ 10.15നാണ് കേസില് വിധി പറയുക. ചാനലിനുവേണ്ടി മുതിര്ന്ന അഭിഭാഷകന് ദുഷ്യന്ത് ദവെയായിരുന്നു ഹാജരായത്. ഭരണഘടനാപരമായ പ്രശ്നമാണ് മീഡിയ വണ് ഉന്നയിച്ചതെന്ന് അഭിഭാഷകന് ദുഷ്യന്ത് ദവെ വാദിച്ചു.
കേന്ദ്ര സര്ക്കാരിന് വേണ്ടി അഡീഷണല് സോളിസിറ്റര് ജനറല് അമാന് ലേഖി ഹാജരായി. സംപ്രേഷണം വിലക്കിയ കേന്ദ്രസര്ക്കാര് ഉത്തരവിനെതിരെ ചാനല് സിംഗിള് ബെഞ്ചിനെ സമീപിച്ചിരുന്നു. ഈ ഹരജി തള്ളിയതിനെതിരെ ഡിവിഷന് ബെഞ്ചില് റിട്ട് ഹരജി സമര്പ്പിച്ചിരുന്നു.
Most Read: തിരുവല്ലം കസ്റ്റഡി മരണം; കാരണം ഹൃദയാഘാതമെന്ന് പ്രാഥമിക പോസ്റ്റുമോർട്ടം റിപ്പോർട്