കീവ്: ഉക്രൈനില് സൈനിക വിമാനം തകര്ന്ന് സെനിക കേഡറ്റുകള് ഉള്പ്പെടെ 22 പേര് മരിച്ചു. രണ്ട് പേര്ക്ക് ഗുരുതരമായി പരുക്കേറ്റു. ഉക്രൈനിലെ ഖാര്കിവിനു സമീപം പ്രാദേശിക സമയം വെള്ളിയാഴ്ച രാത്രി 8.50നായിരുന്നു സംഭവം.
21 കേഡറ്റുകളും 7 ജീവനക്കാരും ഉള്പ്പെടെ 28 യാത്രക്കാരുമായി ചുഹൂവ് സൈനിക വ്യോമതാവളത്തില് നിന്ന് പറന്നുയര്ന്ന അന്റനോവ് -26 വിമാനമാണ് തകര്ന്നത്. അപകടത്തില് പെട്ടവര്ക്കായി തിരച്ചില് തുടരുകയാണെന്ന് ഉക്രൈന് ആഭ്യന്തരമന്ത്രി ആന്റണ് ജെറാഷ്ചെങ്കോ പറഞ്ഞു.
വിമാനാപകടത്തിന്റെ കാരണം ഇതുവരെ വ്യക്തമായിട്ടില്ല. പ്രസിഡണ്ട് വോളോഡിമര് സെലെന്സ്കി പ്രദേശം സന്ദര്ശിക്കുമെന്നും വിമാനാപകടം അന്വേഷിക്കാന് പ്രത്യേക സംഘത്തെ നിയോഗിക്കുമെന്നും ജെറാഷ്ചെങ്കോ അറിയിച്ചു.
Read more: യു.എന് പൊതുസഭയില് പാകിസ്താനെതിരെ ഇന്ത്യന് പ്രതിഷേധം