ന്യൂഡെൽഹി: കേന്ദ്ര റെയിൽവേ സഹമന്ത്രി സുരേഷ് അംഗഡി (65) കോവിഡ് ബാധിച്ചു മരിച്ചു. ഡെൽഹി എയിംസിൽ ചികിത്സയിലായിരുന്നു. കർണാടക ബെൽഗാവിയിൽ നിന്നുള്ള ലോക്‌സഭാംഗമാണ്. സെപ്‌തംബർ 11നാണ് സുരേഷ് അംഗഡിക്ക് കോവിഡ് സ്ഥിരീകരിച്ചത്. കോവിഡ് പോസിറ്റീവായ വിവരം അദ്ദേഹം തന്നെയാണ് ട്വിറ്ററിലൂടെ അറിയിച്ചത്.
കോവിഡ് ബാധിച്ചു മരിക്കുന്ന ആദ്യത്തെ കേന്ദ്രമന്ത്രിയാണ് അദ്ദേഹം. കഴിഞ്ഞയാഴ്ച അന്തരിച്ച ബിജെപി രാജ്യസഭാ എംപി അശോക് ഗസ്‌തിക്ക് ശേഷം കോവിഡ് ബാധിച്ച് മരിക്കുന്ന കർണാടകയിൽ നിന്നുള്ള രണ്ടാമത്തെ പാർലമെന്റ് അംഗം കൂടിയാണ് അദ്ദേഹം. കർണാടകയിലെ ബെലഗാവി നിയോജകമണ്ഡലത്തിൽ നിന്ന് 2004 മുതൽ നാല് തവണ ലോക്‌സഭാ എംപിയായിരുന്നു.
മരണത്തില്‍ പ്രധാനമന്ത്രി നരേന്ദ്രമോദി ഉള്‍പ്പെടെ നിരവധി നേതാക്കള്‍ അനുശോചനം രേഖപ്പെടുത്തി.
Shri Suresh Angadi was an exceptional Karyakarta, who worked hard to make the Party strong in Karnataka. He was a dedicated MP and effective Minister, admired across the spectrum. His demise is saddening. My thoughts are with his family and friends in this sad hour. Om Shanti. pic.twitter.com/2QDHQe0Pmj
— Narendra Modi (@narendramodi) September 23, 2020
