കോഴിക്കോട് സംഗീത പരിപാടിക്കിടെ അപകടം; സംഘാടകർക്കെതിരെ കേസെടുത്ത് പോലീസ്

കിടപ്പ് രോഗികള്‍ക്ക് വീല്‍ ചെയര്‍ വാങ്ങുക എന്ന ലക്‌ഷ്യത്തോടെയാണ് മൂന്നുദിവസം നീണ്ടുനിന്ന കാർണിവൽ സംഘടിപ്പിച്ചെതെന്നും സമാപന പരിപാടി എന്ന നിലയിലാണ് സംഗീത പരിപാടി നടത്തിയതെന്നുമാണ് സംഘാടകരായ ജെഡിടിയുടെ വിശദീകരണം.

By Central Desk, Malabar News
Music Concert Accident at Kozhikode Beach

കോഴിക്കോട്: വെള്ളിമാടുകുന്ന് ആസ്‌ഥാനമായ ‘ജം‌ഇയ്യത്തെ ദ‌അവത്ത് വ തബ്‌ലീഗെ ഇസ്‌ലാം’ അഥവാ ജെഡിടി എന്ന സ്‌ഥാപനം നടത്തിയ സംഗീത പരിപാടിക്കിടെ അപകടം ഉണ്ടായതിനെ തുടർന്ന് 58 പേർക്ക് പരിക്കേറ്റ സംഭവത്തിൽ സംഘാടകർക്കെതിരെ കേസെടുത്ത് പോലീസ്. മതിയായ സൗകര്യം ഒരുക്കാതെ പരിപാടി സംഘടിപ്പിച്ചതിനാണ് ഇവര്‍ക്കെതിരെ കേസ്.

അതേസമയം എല്ലാ മാനദണ്ഡങ്ങളും പാലിച്ചാണ് സംഗീത പരിപാടിക്ക് അനുമതി നല്‍കിയതെന്ന് കോര്‍പറേഷന്‍ ഡൈപ്യൂട്ടി മേയര്‍ പറയുന്നു. മാത്തോട്ടം സ്വദേശി ഷുഹൈബ് എന്ന വ്യക്‌തിയെ പോലീസ് അറസ്‌റ്റ് ചെയ്യുകയും ചെയ്‌തിട്ടുണ്ട്‌. പോലീസിനെ ആക്രമിച്ചതിനാണ് അറസ്‌റ്റ്. കണ്ടാല്‍ അറിയാവുന്ന മറ്റു 50 പേര്‍ക്കെതിരെയും പോലീസ് കേസെടുത്തിട്ടുണ്ട്. സംഗീത പരിപാടിയുടെ സംഘടകരായ കോഴിക്കോട് ‘ജെഡിടി കോളജ് പാലിയേറ്റീവ് കെയര്‍’ അധികൃതര്‍ക്കെതിരെയും കേസെടുത്തിട്ടുണ്ട്.

കോഴിക്കോട് മെഡിക്കൽ കോളജിലേക്കും ബീച്ച് ആശുപത്രിയിലുമായി ചികിൽസയിലുള്ള 58 പേരിൽ ആരുടെയും നില അതീവ ഗുരുതരമല്ല എന്നാണ് വിശദീകരണം. ചാരിറ്റി പ്രവർത്തനത്തിനാണ് സംഗീത പരിപാടി നടത്തിയതെന്നാണ് ജെഡിടിയുടെ വിശദീകരണം. കിടപ്പ് രോഗികള്‍ക്ക് വീല്‍ ചെയര്‍ വാങ്ങുകയായിരുന്നു ലക്‌ഷ്യം.

ഇതിനുള്ള ധനശേഖരണാർഥമാണ് മൂന്ന് ദിവസത്തെ കാര്‍ണിവല്‍ സംഘടിപ്പിച്ചത്. സമാപന ദിവസമായ ഇന്നലെ സംഗീത പരിപാടിയും സംഘടിപ്പിച്ചു. ടിക്കറ്റ് വച്ചുള്ള പരിപാടിക്കായി വൈകിട്ടോടെ തന്നെ നൂറുകണക്കിനാളുകള്‍ ബീച്ചിലെത്തി. തിരക്ക് കൂടിയതോടെ സംഘാടകർ ടിക്കറ്റ് വില്‍പന നിര്‍ത്തി വച്ചു. ഇതില്‍ പ്രകോപിതരായ ഒരു സംഘം വാക്ക് തര്‍ക്കം ഉണ്ടാക്കുകയും അത് സംഘര്‍ഷത്തില്‍ കലാശിക്കുകയും ആയിരുന്നു എന്നാണ് സംഘാടകർ പറയുന്നത്.

Music Concert Accident at Kozhikode Beach

സംഘര്‍ഷം രൂക്ഷമായതോടെ പോലീസെത്തി. ഇതിനിടെ പോലീസിനു നേരെ കല്ലേറുണ്ടായി. പിന്നീട് ഡിസിപി എ ശ്രീനിവാസ്, എസിപി കെ.സുദർശൻ എന്നിവരുടെ നേതൃത്വത്തിൽ കൂടുതൽ പോലീസെത്തി ലാത്തിവീശിയാണ് ജനത്തെ ഓടിച്ചത്.

Malabar News: കുളിമുറിയിൽ ഒളിക്യാമറ; കോഴിക്കോട് യുവാവ് പിടിയിൽ

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE