മസ്ക്കറ്റ് : ജനിതകമാറ്റം സംഭവിച്ച അതിവേഗ കോവിഡ് വൈറസ് രാജ്യത്ത് സ്ഥിരീകരിച്ചതായി വ്യക്തമാക്കി ഒമാന് ആരോഗ്യമന്ത്രാലയം. ബ്രിട്ടനില് നിന്നും മടങ്ങിയെത്തിയ ഒമാനിലെ ഒരു സ്ഥിരതാമസക്കാരനാണ് നിലവില് രോഗം സ്ഥിരീകരിച്ചത്. അദ്ദേഹത്തിന്റെ ആരോഗ്യനില ഇപ്പോള് തൃപ്തികരമാണെന്നും ആരോഗ്യമന്ത്രാലയം അറിയിച്ചു.
രോഗം സ്ഥിരീകരിച്ചയാള് ഒമാനിലേക്ക് വരുന്നതിന് മുന്പും, വന്നതിന് ശേഷവും കോവിഡ് പരിശോധന നടത്തിയിരുന്നു. എന്നാല് ഫലം നെഗറ്റീവ് ആയിരുന്നു. തുടര്ന്ന് ക്വാറന്റൈനില് കഴിയുന്ന സമയത്താണ് ഇദ്ദേഹത്തിന് രോഗലക്ഷണങ്ങള് ഉണ്ടായത്. തുടര്ന്ന് നടത്തിയ പരിശോധനയിലാണ് ജനിതകമാറ്റം സംഭവിച്ച വൈറസാണെന്ന് സ്ഥിരീകരിച്ചത്. നിലവില് അദ്ദേഹം ഒമാനില് ഐസൊലേഷനില് കഴിയുകയാണ്.
Read also : വാഗമണ് നിശാപാര്ട്ടി; ജാമ്യാപേക്ഷയുമായി നടി ഹൈക്കോടതിയില്