റിയാദ്: സൗദിയുടെ സാംസ്കാരിക പൈതൃകങ്ങളുടെ സംരക്ഷണത്തിനായി ഹെറിറ്റേജ് കമ്മീഷൻ പ്രമുഖ ഡിജിറ്റൽ സൊല്യൂഷൻസ് കമ്പനിയായ ‘എൽമു’മായി ധാരണാ പത്രം ഒപ്പിട്ടു. റിയാദിലെ കിങ് അബ്ദുൽ അസീസ് ഹിസ്റ്റോറിക്കൽ സെന്ററിലെ അതോറിറ്റിയുടെ ആസ്ഥാനത്ത് ഹെറിറ്റേജ് കമ്മീഷൻ സിഇഒ ജാസിർ അൽ-ഹെർബിഷും എൽമിന്റെ സിഇഒ അബ്ദു റഹ്മാൻ അൽ-ജദായിയുമാണ് ധാരണാ പത്രത്തിൽ ഒപ്പുവെച്ചത്.
സന്ദർശകർക്ക് ഏറ്റവും മെച്ചപ്പെട്ട സേവനങ്ങൾ നൽകി മികച്ച അനുഭവം ഇതിലൂടെ ഉണ്ടാക്കുവാനും, പുരാതന വസ്തുക്കൾ, മ്യൂസിയങ്ങൾ, നഗരപൈതൃകം എന്നിവ കൈകാര്യം ചെയ്യുന്നതിനും, പ്രവർത്തിപ്പിക്കുന്നതിനും വേണ്ടിയുള്ള ആഗോള രീതികൾ കരാറിൽ ഉൾപ്പെടുന്നു. സൗദിയിലെ സാംസ്കാരിക പൈതൃക കേന്ദ്രങ്ങളും സംരക്ഷിക്കുന്നതിനും, സുസ്ഥിരമായി വികസിപ്പിക്കുന്നതിനും വേണ്ടിയുള്ള സ്ഥാപനമാണ് ഹെറിറ്റേജ് കമ്മീഷൻ.
Read Also: കൊവാക്സിന് ലോകാരോഗ്യ സംഘടനയുടെ അംഗീകാരം ലഭിച്ചേക്കും