കാസർഗോഡ്: ജില്ലയിലെ റെയിൽവേ സ്‌റ്റേഷനുകളിൽ പോലീസ് പരിശോധന നടത്തി. സുരക്ഷാ ക്രമീകരണങ്ങളുടെ ഭാഗമായാണ് പരിശോധന നടത്തിയത്. ഡോഗ്-ബോംബ് സ്‌ക്വാഡ് എന്നിവരുടെ നേതൃത്വത്തിലായിരുന്നു പരിശോധന. അതേസമയം, എല്ലാ മാസവും നടത്തുന്ന പതിവ് പരിശോധന മാത്രമാണിതെന്ന് അധികൃതർ അറിയിച്ചു.
കാസർഗോഡ് റെയിൽവേ സ്‌റ്റേഷനിൽ രാവിലെ തുടങ്ങിയ പരിശോധന രണ്ട് മണിക്കൂറോളം നീണ്ടു. യാത്രക്കാരെയും ബാഗുകളും ട്രെയിനിൽ കയറി പരിശോധിച്ചു. റെയിൽവേ എസ്‌ഐ ടിഎൻ മോഹനന്റെ നേതൃത്വത്തിലാണ് പരിശോധന നടത്തിയത്.
സിവിൽ പോലീസ് ഓഫിസർ സിബി, അർപിഎഫിലെ പി വിനയൻ, സ്‌ക്വാഡ് അംഗങ്ങളായ ടിനോ തോമസ്, കെപി അനൂപ്, പി അനൂപ് എന്നിവരും പരിശോധനാ സംഘത്തിൽ ഉണ്ടായിരുന്നു.
Read Also: ടൂറിസ്‌റ്റ് ബസിൽ കഞ്ചാവ് കടത്തിയ സംഭവം; മുഖ്യസൂത്രധാരൻ കീഴടങ്ങി
