ന്യൂഡെൽഹി: ഒമൈക്രോൺ മൂലമാണ് രാജ്യത്തെ കോവിഡ് കേസുകൾ ഉയരുന്നതെന്ന് കേന്ദ്ര ആരോഗ്യമന്ത്രാലയം. കഴിഞ്ഞ കുറച്ച് ദിവസങ്ങളായി കേസുകൾ ഇരട്ടിയാകുകയാണെന്ന് കേന്ദ്രം ചൂണ്ടിക്കാട്ടി.
ഇന്ത്യയിൽ പ്രായപൂർത്തിയായവരിൽ ഏകദേശം 90% പേർക്കും കോവിഡ് വാക്‌സിന്റെ ആദ്യ ഡോസ് കുത്തിവെപ്പ് എടുത്തിട്ടുള്ളതായി കേന്ദ്ര ആരോഗ്യ മന്ത്രാലയം ജോയിന്റ് സെക്രട്ടറി മാദ്ധ്യമങ്ങളോട് പറഞ്ഞു. ജനുവരി 10 മുതൽ ആരംഭിക്കുന്ന മുൻകരുതൽ ഡോസ് എടുക്കുന്നതിന് അർഹരായവർക്ക് സർക്കാർ എസ്എംഎസ് അയക്കുമെന്നും മന്ത്രാലയം അറിയിച്ചു.
വാക്‌സിനേഷന് മുമ്പും ശേഷവും മാസ്‌കുകൾ ഉപയോഗിക്കുന്നത് നിർബന്ധമാണെന്ന് വ്യക്‌തമാക്കിയ മന്ത്രാലയം വൈറസിനെതിരായ പ്രധാന ആയുധം മാസ്‌ക് തന്നെയാണെന്നും ഓർമിപ്പിച്ചു.
ഒമൈക്രോൺ വെല്ലുവിളി നേരിടാൻ എല്ലാവരും സജ്‌ജരാകണമെന്നും കേന്ദ്രത്തിന്റെ നിർദ്ദേശമുണ്ട്. കൂട്ടംകൂടുന്നത് ഒഴിവാക്കണമെന്നും ആരോഗ്യ മന്ത്രാലയം നിർദ്ദേശിച്ചു.
രാജ്യത്ത് ഇതുവരെ 961 ഒമൈക്രോൺ കേസുകളാണ് സ്‌ഥിരീകരിച്ചത്. അതിൽ 320 രോഗികൾ സുഖം പ്രാപിച്ചു. അതേസമയം ഡെൽഹിയിൽ ഒമൈക്രോണിന്റെ സമൂഹവ്യാപനം ഉണ്ടെന്നാണ് സംസ്‌ഥാന സർക്കാരിന്റെ സ്‌ഥിരീകരണം.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
