ന്യൂഡെൽഹി : യാത്രക്കാരുടെ എണ്ണത്തിൽ ഉണ്ടായ കുറവിനെ തുടർന്ന് ഡെൽഹി വിമാനത്താവളത്തിലെ ടെർമിനൽ 2 അടക്കാൻ തീരുമാനം. ഇതിന്റെ ഭാഗമായി ഇന്ന് മുതൽ ടെർമിനൽ 2 പ്രവർത്തിക്കില്ലെന്ന് അധികൃതർ വ്യക്‌തമാക്കി. ടെർമിനൽ 3 മാത്രമായിരിക്കും ഇന്ന് മുതൽ പ്രവർത്തിക്കുന്നത്.
വിമാനത്താവളത്തിലെ ടെർമിനൽ 1 കഴിഞ്ഞ ഒരു വർഷത്തോളമായി അടച്ചിട്ടിരിക്കുകയാണ്. നവീകരണ ജോലികളുടെ ഭാഗമായാണ് ടെർമിനൽ 1 അടച്ചിട്ടിരിക്കുന്നത്. ഇതോടെ ഡെൽഹി വിമാനത്താവളത്തിലെ വിദേശ, ആഭ്യന്തര സർവീസുകൾ ഇന്ന് മുതൽ ടെർമിനൽ 3ൽ നിന്നായിരിക്കും നടക്കുക.
രാജ്യത്ത് കോവിഡ് രണ്ടാം തരംഗം രൂക്ഷമായി തുടരുന്ന സാഹചര്യത്തിലാണ് യാത്രക്കാരുടെ എണ്ണം വലിയ രീതിയിൽ കുറഞ്ഞത്. കഴിഞ്ഞ മാർച്ചിൽ വരെ പ്രതിദിനം 2 ലക്ഷം ആളുകൾ എത്തിയിരുന്ന വിമാനത്താവളമായിരുന്നു ഡെൽഹി. എന്നാൽ ഇപ്പോൾ 30,000 യാത്രക്കാർ മാത്രമാണ് പ്രതിദിനം എത്തുന്നതെന്ന് അധികൃതർ വ്യക്‌തമാക്കി.
Read also : ‘സാന്ത്വനം കോവിഡ് ആശുപത്രി’ പദ്ധതിയുമായി എസ്‌വൈഎസ്‌; സംസ്‌ഥാനത്ത്‌ ആദ്യം
