മലപ്പുറം: തിരൂരില് ബിജെപി സ്ഥാനാര്ഥിയായി മൽസരിക്കുന്നത് മുന് കാലിക്കറ്റ് സര്വകലാശാല വൈസ് ചാന്സലര് ഡോ.അബ്ദുള് സലാം. 2011-15 കാലത്തെ കാലിക്കറ്റ് സര്വകലാശാല വിസി ആയിരുന്നു അബ്ദുള് സലാം.
2019ലാണ് അബ്ദുള് സലാം ബിജെപിയില് അംഗത്വം എടുക്കുന്നത്. യുഡിഎഫ് നോമിനിയായാണ് അബ്ദുള് സലാം വൈസ് ചാന്സലറായത്. വിസി ആയിരുന്ന കാലത്ത് അബ്ദുള് സലാമിന് എതിരെ നിരവധി വിദ്യാര്ഥി- അധ്യാപക സംഘടനകള് സമരം ചെയ്തിരുന്നു.
നിയമന വിവാദവും ഭൂമി വിവാദവും ഉള്പ്പടെ നിരവധി വിവാദങ്ങളും ഇക്കാലയളവിൽ ഉണ്ടായി. അക്കാലത്ത് അബ്ദുള് സലാമിന്റെ പേരിലുണ്ടായ വിജിലന്സ് കേസുകളില് ഇപ്പോഴും അന്വേഷണം നടക്കുകയാണ്.
സംസ്ഥാനത്ത് ബിജെപി 115 സീറ്റുകളിലാണ് കേരളത്തില് മൽസരിക്കുന്നത്. 25 സീറ്റുകളില് നാല് ഘടക കക്ഷികള് മൽസരിക്കും.
Read Also: നേമത്ത് ആത്മവിശ്വാസം പ്രകടിപ്പിച്ച് കുമ്മനം