രാജ്യത്തെ 20 മില്യൺ ആളുകൾക്ക് ഇനി മുതൽ വാട്‌സ്ആപ്പ് പേയ്‌മെന്റ് സംവിധാനം ഉപയോഗിക്കാം. എസ്‌ബിഐ, എച്ച്ഡിഎഫ്‌സി, ഐസിഐസിഐ, ആക്‌സിസ് ബാങ്കുകളുടെ സഹകരണത്തോടെയാണ് ഇന്ത്യയിൽ പുതിയ സംവിധാനം നിലവിൽ വന്നത്. സന്ദേശം അയക്കുന്നത് പോലെ എളുപ്പത്തിൽ പണം കൈമാറാനുള്ള സംവിധാനവുമാണ് നിലവിൽ വന്നിരിക്കുന്നത്. നാഷണൽ പേയ്‌മെന്റ് കോർപ്പറേഷനും യൂണിഫൈഡ് പേയ്‌മെന്റ് ഇന്റർഫേസും (യുപിഐ) കഴിഞ്ഞ നവംബറിൽ തന്നെ പണമിടപാട് സംവിധാനമൊരുക്കാൻ വാട്‌സ്ആപ്പിന് അനുമതി നൽകിയിരുന്നു.
വാട്‌സ്ആപ്പ് വഴി പണമിടപാടിനുള്ള സൗകര്യം നിലവിൽ വന്നതോടെ രാജ്യത്ത് ഡിജിറ്റൽ സംവിധാനം കൂടുതൽ ആളുകളിലേക്ക് എത്തിച്ചേരുമെന്നാണ് പ്രതീക്ഷിക്കുന്നത്. ഗ്രാമീണ മേഖലകകളിൽ കൂടി ഈ സംവിധാനത്തിന് കൂടുതൽ പ്രചാരം ലഭിക്കും. വാട്‌സ്ആപ്പ് പേയ്‌മെന്റ് സംവിധാനം യാഥാർഥ്യമായതോടെ വാട്‌സ്ആപ്പ് വഴിയുള്ള ഷോപ്പിംഗ് സൗകര്യങ്ങളും ഉടൻ എത്തുമെന്നാണ് കരുതുന്നത്. ഇതിന് വേണ്ടിയുള്ള ഷോപ്പിംഗ് ബട്ടണും മറ്റു ഫീച്ചറുകളും വാട്‌സാപ്പ് നേരത്തെ തന്നെ അവതരിപ്പിച്ചിരുന്നു.
