ലോകകപ്പ് യോഗ്യത; മിശിഹായുടെ ഗോളും തുണയായില്ല, അർജന്റീനയ്‌ക്ക് സമനില

By Staff Reporter, Malabar News
MESSI
ചിലിക്കെതിരെ ഗോൾ നേടിയ മെസി ആകാശത്തിലേക്ക് കരങ്ങളുയർത്തി മറഡോണയ്‌ക്ക് ആദരം അർപ്പിക്കുന്നു
Ajwa Travels

ബ്യൂണസ് ഐറിസ്: ലാറ്റിനമേരിക്കൻ മേഖലയിലെ ലോകകപ്പ് യോഗ്യത മൽസരത്തിൽ കരുത്തരായ അർജന്റീനയ്‌ക്ക് സമനില. ചിലിക്കെതിരായ മൽസരത്തിൽ ലയണൽ മെസിയുടെ ഗോളിനും ടീമിനെ വിജയത്തിലേക്ക് നയിക്കാനായില്ല. ഇരുടീമുകളും ഓരോ ഗോൾ വീതം നേടിയാണ് സമനിലയിൽ പിരിഞ്ഞത്.

അന്തരിച്ച ഇതിഹാസ താരം ഡീഗോ മറഡോണയ്‌ക്ക് ആദരം അർപ്പിച്ചുകൊണ്ടാണ് അർജന്റീനിയൻ താരങ്ങൾ കളത്തിലിറങ്ങിയത്. താരങ്ങളുടെ ജേഴ്‌സിയിൽ മറഡോണയുടെ ചിത്രം ആലേഖനം ചെയ്‌തിരുന്നു.

24ആം മിനിറ്റിൽ പെനാൽറ്റിയിലൂടെയാണ് മെസി ഗോൾ നേടിയത്. ചിലിക്ക് വേണ്ടി സ്‌റ്റാർ സ്ട്രൈക്കർ അലക്‌സിസ് സാഞ്ചസ് ഗോൾ നേടി. ഒരു ഘട്ടത്തിൽ പോലും അർജന്റീനയെ മൽസരത്തിന്റെ കടിഞ്ഞാൺ ഏറ്റെടുക്കാൻ അനുവദിക്കാതിരുന്ന ചിലി മികച്ച പ്രകടനം തന്നെ പുറത്തെടുത്തു.

കഴിഞ്ഞ നവംബറിന് ശേഷം ആദ്യമായാണ് അർജന്റീനയുടെ സംഘം കളത്തിലിറങ്ങിയത്. മൽസരം സമനിലയിൽ കലാശിച്ചെങ്കിലും അർജന്റീന പോയിന്റ് പട്ടികയിൽ രണ്ടാം സ്‌ഥാനം നിലനിർത്തി. ചിലി ഏഴാമതാണ്. ബ്രസീലാണ് പട്ടികയിൽ ഒന്നാമത്. അടുത്തയാഴ്‌ച കോപ്പ അമേരിക്ക ആരംഭിക്കാനിരിക്കെ അർജന്റീനയ്‌ക്ക് ഇന്നത്തെ സമനില നൽകുന്ന സമ്മർദ്ദം ചെറുതാവില്ല.

Read Also: ഉപയോക്‌താക്കൾക്ക് സന്തോഷ വാർത്ത; പുതുതായി മൂന്ന് ഫീച്ചറുകൾ അവതരിപ്പിച്ച് വാട്‍സ്ആപ്പ്

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE