തിരുവനന്തപുരം: കേരളത്തിൽ വനിതാ കളക്‌ടർമാരുടെ എണ്ണത്തിൽ ചരിത്ര മുന്നേറ്റം. നിലവിൽ വനിതാ കളക്‌ടർമാർ ഭരിക്കുന്ന ജില്ലകളുടെ എണ്ണം സംസ്‌ഥാനത്ത് 10 ആയി ഉയർന്നു. നേരത്തെ 9 ജില്ലകളിലാണ് വനിതാ കളക്‌ടർമാർ ഭരിച്ചിരുന്നത്. ഇപ്പോൾ ആലപ്പുഴ ജില്ലാ കളക്‌ടർ ആയി ഡോക്‌ടർ രേണു രാജിനെ നിയമിച്ചതോടെയാണ് കേരളത്തിലെ 14 ജില്ലകളിലെ 10 ജില്ലകളുടെ തലപ്പത്തും വനിതകൾ എത്തിയത്.
തിരുവനന്തപുരം- നവ്ജ്യോത് ഖോസ, കൊല്ലം- അഫ്സാന പർവീൻ, പത്തനംതിട്ട- ഡോ. ദിവ്യ എസ് അയ്യർ, ആലപ്പുഴ- ഡോ. രേണുരാജ്, കോട്ടയം- ഡോ പികെ ജയശ്രീ, ഇടുക്കി- ഷീബ ജോർജ്, തൃശൂർ- ഹരിത വി കുമാർ, പാലക്കാട്- മൃൺമയി ജോഷി, വയനാട്- എം ഗീത, കാസർഗോഡ്- ഭണ്ഡാരി സ്വാഗത് രൺവീർചന്ദ് എന്നിവരാണ് 10 ജില്ലകളിലെയും വനിതാ കളക്‌ടർമാർ.
നിലവിൽ സംസ്‌ഥാനത്തെ ബാക്കിയുള്ള 4 ജില്ലകളിൽ മാത്രമാണ് പുരുഷ കളക്‌ടർമാർ ഉള്ളത്. എറണാകുളം, കണ്ണൂർ, കോഴിക്കോട്, മലപ്പുറം എന്നീ ജില്ലകളിലാണ് നിലവിൽ പുരുഷ ഐഎഎസ് ഓഫിസർമാർ ഭരണം നടത്തുന്നത്. കൂടാതെ റവന്യു ദിനാഘോഷത്തിന്റെ ഭാഗമായി തിരഞ്ഞെടുത്ത 3 മികച്ച കളക്‌ടർമാരിൽ 2 പേരും വനിതകൾ ആയിരുന്നു. നവ്ജ്യോത് ഖോസ, മൃൺമയി ജോഷി എന്നിവരാണ് തിരഞ്ഞെടുക്കപ്പെട്ട രണ്ട് മികച്ച കളക്‌ടർമാർ.
Read also: സംസ്‌ഥാനത്തെ സ്‌കൂളുകളിൽ വാർഷിക പരീക്ഷകൾ കൃത്യമായി നടത്തും; മന്ത്രി
