മലപ്പുറം: വളാഞ്ചേരിയിൽ കുഴല്പ്പണവുമായി യുവാവ് അറസ്റ്റിൽ. ശ്രീകൃഷ്ണപുരം കാരാകുറിശ്ശി അയ്യപ്പൻകാവ് മാഞ്ചൂരുണ്ട വീട്ടിൽ കൃഷ്ണദാസ് (31) ആണ് പോലീസ് നടത്തിയ വാഹന പരിശോധനക്കിടെ കുഴല്പ്പണവുമായി പിടിയിലായത്. 13.5 ലക്ഷം രൂപയുടെ കുഴൽപ്പണമാണ് ഇയാളിൽ നിന്നും പിടിച്ചെടുത്തത്.
ഗോതമ്പ് തവിടുമായി വന്ന ബൊലേറോ പിക്കപ്പ് വാനിലാണ് പണം കടത്തിയത്. ഡ്രൈവറുടെ സീറ്റിന് പുറകിൽ പ്രത്യേകം സജ്ജീകരിച്ച അറയിലാണ് പണം സൂക്ഷിച്ചിരുന്നത്. പാലക്കാട് ജില്ലയിലെ കൊപ്പത്ത് നിന്നും തിരൂരിലെ ഒരാൾക്ക് നൽകാൻ കൊടുത്തുവിട്ടതാണ് പണമെന്ന് പ്രതി മൊഴി നൽകി. പാലക്കാട് ജില്ലയിൽ നിരോധിത പുകയില കടത്തിയ കേസിലെ പ്രതിയാണ് കൃഷ്ണദാസെന്ന് പോലീസ് പറഞ്ഞു.
Malabar News: പ്ളസ് ടു പ്രാക്ടിക്കൽ പരീക്ഷ: വിദ്യാർഥികളുടെ ആശങ്കകൾ പരിഹരിക്കണം; കെഎസ്യു