കൊച്ചി: ഹൈക്കോടതിയില് ഇന്ന് സ്പെഷ്യല് സിറ്റിംഗ്. ഷാനിമോള് ഉസ്മാന്, ഇഎം അഗസ്തി എന്നിവരുടെ തിരഞ്ഞെടുപ്പ് ഹരജി ഹൈക്കോടതി അടിയന്തരമായി പരിഗണിക്കും. തിരഞ്ഞെടുപ്പുമായി ബന്ധപ്പെട്ട് അസാധാരണ സിറ്റിംഗാണ് ഇന്ന് നടക്കുന്നത്.
ഇരട്ട വോട്ടുള്ള ബൂത്തുകളില് വീഡിയോ ദൃശ്യങ്ങള് പകര്ത്തണമെന്നാണ് ഷാനിമോളുടെ ഹരജി. തിരഞ്ഞെടുപ്പ് ചുമതലയുള്ള സംസ്ഥാന സര്ക്കാര് ജീവനക്കാര് തിരഞ്ഞെടുപ്പ് അട്ടിമറിക്കുന്നതായും ഹരജിയില് പറയുന്നു.
തിരഞ്ഞെടുപ്പ് ദിവസം ഇടുക്കിയിലെ കേരള- തമിഴ്നാട് അതിര്ത്തികള് അടക്കണമെന്നതാണ് ഇഎം അഗസ്തിയുടെ ആവശ്യം. വ്യാജവോട്ട് തടയാനാണ് ഇത്തരം നടപടിയെന്നാണ് ഹരജിക്കാരന് പറയുന്നത്. അതിര്ത്തികളിലും പ്രശ്ന ബാധിത ബൂത്തുകളിലും കേന്ദ്രസേനയെ വിന്യസിക്കണമെന്നും ഹരജിയിലുണ്ട്.