കൊച്ചി: സഹപ്രവർത്തകരുടെ അഭിവാദ്യം ഏറ്റുവാങ്ങി എംസി ജോസഫൈന് അന്ത്യയാത്ര. ആഗ്രഹിച്ചത് പോലെ ചെങ്കൊടി പുതച്ച മൃതദേഹം കളമശ്ശേരി മെഡിക്കൽ കോളേജിന് കൈമാറി. സിപിഎം എറണാകുളം ജില്ലാ സെക്രട്ടറി സിഎൻ മോഹനനും ജോസഫൈന്റെ മകൻ മനു മത്തായിയും ചേർന്നാണ് മൃതദേഹം എറണാകുളം ഗവ.മെഡിക്കൽ കോളേജ് സൂപ്രണ്ടിന് കൈമാറിയത്.
ഇന്നലെ ഉച്ചയോടെ ആയിരുന്നു സിപിഐഎം കേന്ദ്ര കമ്മിറ്റിയംഗം എംസി ജോസഫൈൻ അന്തരിച്ചത്. ഹൃദയാഘാതം മൂലം കണ്ണൂരിലെ എകെജി ആശുപത്രിയിലായിരുന്നു അന്ത്യം. ശനിയാഴ്ച സിപിഎം പാർട്ടി കോൺഗ്രസ് വേദിയിൽ കുഴഞ്ഞുവീഴുകയായിരുന്നു.
ജനാധിപത്യ മഹിളാ അസോസിയേഷൻ അഖിലേന്ത്യാ വൈസ് പ്രസിഡണ്ട്, സംസ്ഥാന പ്രസിഡണ്ട്, വനിതാ വികസന കോർപറേഷൻ ചെയർപേഴ്സൺ, വിശാലകൊച്ചി വികസന അതോറിറ്റി ചെയർപേഴ്സൺ എന്നീ സ്ഥാനങ്ങൾ വഹിച്ചിട്ടുണ്ട്. വനിതാ കമ്മീഷൻ മുൻ അധ്യക്ഷ കൂടിയാണ് എംസി ജോസഫൈൻ.
Most Read: തൊടുപുഴയിലെ കൂട്ടബലാൽസംഗം; അമ്മയ്ക്കും മുത്തശ്ശിക്കുമെതിരെ കേസെടുക്കും