തിരുവനന്തപുരം: പരിസ്ഥിതി മേഖലയുമായി ബന്ധപ്പെട്ട വിഷയങ്ങള് പ്രതിപക്ഷം ഇന്ന് നിയമസഭയില് ഉന്നയിക്കും. ജനകീയ വിഷയങ്ങള് മുന്നിറുത്തി അടിയന്തരപ്രമേയം അവതരപ്പിക്കാനാണ് തീരുമാനം. ആദിവാസി ഊരുകളിലെ ശിശു മരണങ്ങള് അടക്കമുള്ള കാര്യങ്ങളില് സര്ക്കാര് നിലപാട് ഇന്ന് വ്യക്തമാക്കും. എംഎം മണിക്കെതിരായ പ്രതിപക്ഷ സംഘടനകളുടെ അധിക്ഷേപവും സഭയില് ഉയര്ന്ന് വന്നേക്കും.
അതേസമയം, തുടര്ച്ചയായി സഭ സ്തംഭിപ്പിച്ചാല് ജനകീയ വിഷയങ്ങള് ചര്ച്ച ചെയ്യാനുള്ള സാധ്യത ഇല്ലാതാകുമെന്നിരിക്കെ സഭാ നടപടികളുമായി സഹകരിക്കാനാണ് യുഡിഎഫ് തീരുമാനം. ചോദ്യോത്തര വേളയില് ദേവസ്വം, ഫിഷറീസ്, വനം, ജലവിഭവ വകുപ്പ് മന്ത്രിമാര് ഇന്ന് ചോദ്യങ്ങള്ക്ക് മറുപടി നല്കും. കൂടുതൽ ജനകീയ പ്രശ്നങ്ങൾ ഉന്നയിക്കാനാണ് പ്രതിപക്ഷ തീരുമാനം.
Read Also: കോഴിക്കോട് കോർപ്പറേഷനിലെ ക്രമക്കേട്; കൂടുതൽ ഉദ്യോഗസ്ഥർക്ക് പങ്കെന്ന് കണ്ടെത്തൽ