തിരുവനന്തപുരം: അമേരിക്കയിൽ ചികിൽസ കഴിഞ്ഞു മടങ്ങുന്ന മുഖ്യമന്ത്രി പിണറായി വിജയന്റെ യാത്രാ പരിപാടിയിൽ മാറ്റം. ഇന്ന് രാവിലെയോടെ ദുബായിൽ എത്തുന്ന അദ്ദേഹം ഒരാഴ്ച യുഎഇയിലെ വിവിധ പരിപാടികളിൽ പങ്കെടുക്കും. അതിന് ശേഷമാകും ഇനി തിരികെ കേരളത്തിലേക്ക് മടങ്ങുക.
2 ദിവസത്തെ വിശ്രമത്തിനുശേഷം അബുദാബി, ഷാർജ എന്നിവിടങ്ങളിൽ അദ്ദേഹം യുഎഇ അധികൃതരുമായി കൂടിക്കാഴ്ച നടത്തും. തുടർന്ന് ഫെബ്രുവരി 4ആം തീയതി ദുബായ് എക്സ്പോയിലെ കേരള പവിലിയൻ ഉൽഘാടനവും, 5ആം തീയതി രാവിലെ യുഎഇയിലെ വ്യവസായ പ്രമുഖർ പങ്കെടുക്കുന്ന പരിപാടിയുടെ ഉൽഘാടനവും വൈകിട്ട് നോർക്ക സമ്മേളനത്തിന്റ ഉൽഘാടനവും അദ്ദേഹം നിർവഹിക്കും.
ശേഷം 7ആം തീയതിയോടെ അദ്ദേഹം തിരുവനന്തപുരത്ത് മടങ്ങി എത്തുമെന്നാണ് പ്രതീക്ഷിക്കുന്നത്. യുഎസിലെ ചികിൽസക്ക് ശേഷം മുഖ്യമന്ത്രി ഇന്ന് തിരികെ നാട്ടിലെത്തുമെന്നാണ് ആദ്യം അറിയിച്ചിരുന്നത്.
Read also: കെ-റെയിൽ; സിപിഐഎം നടത്തുന്നത് സൈബർ ഗുണ്ടായിസമെന്ന് കെ സുധാകരൻ