സൗദി : സൗദിയില് കോവിഡ് വ്യാപനത്തില് വലിയ കുറവ് രേഖപ്പെടുത്തുന്നു. കഴിഞ്ഞ 24 മണിക്കൂറില് രാജ്യത്ത് 141 പേര്ക്ക് മാത്രമാണ് രോഗബാധ ഉണ്ടായത്. കോവിഡ് വ്യാപനം ആരംഭിച്ച സമയം മുതല് കണക്കാക്കുമ്പോള് ഏറ്റവും കുറഞ്ഞ കണക്കാണിത്. രോഗബാധിതരുടെ എണ്ണത്തില് ഉണ്ടാകുന്ന കുറവ് രാജ്യത്ത് രോഗവ്യാപനത്തിന്റെ ആശങ്കകള്ക്ക് വലിയ അയവ് നല്കുന്നുണ്ട്.
നിലവില് രാജ്യത്തെ ആകെ രോഗബാധിതരുടെ എണ്ണം 3,59,415 ആണ്. കൂടാതെ കഴിഞ്ഞ ദിവസം രാജ്യത്ത് കോവിഡ് ബാധിച്ച് മരിച്ചത് 10 പേരാണ്. മരണനിരക്കിലും കഴിഞ്ഞ ദിവസം രാജ്യത്ത് കുറവ് രേഖപ്പെടുത്തിയിട്ടുണ്ട്. നിലവില് രാജ്യത്തെ കോവിഡ് മരണനിരക്ക് 1.7 ശതമാനമാണ്. രോഗബാധിതരാകുന്ന ആളുകളുടെ എണ്ണത്തില് ഉണ്ടാകുന്ന കുറവിനൊപ്പം തന്നെ രാജ്യത്ത് രോഗമുക്തരാകുന്ന ആളുകളുടെ എണ്ണത്തില് ഉയര്ച്ചയും രേഖപ്പെടുത്തുന്നുണ്ട്. കഴിഞ്ഞ ദിവസം രാജ്യത്ത് 248 ആളുകളാണ് രോഗമുക്തരായത്. ഇതോടെ രാജ്യത്തെ രോഗമുക്തി നിരക്ക് 97.3 ശതമാനമായി ഉയര്ന്നിട്ടുണ്ട്.
നിലവില് രാജ്യത്ത് രോഗമുക്തരായ ആകെ ആളുകളുടെ എണ്ണം 3,49,872 ആണ്. കൂടാതെ രാജ്യത്തിന്റെ വിവിധ ഭാഗങ്ങളിലായി നിലവില് ചികിൽസയില് കഴിയുന്ന ആളുകളുടെ എണ്ണം 3,531 ആയി കുറഞ്ഞു. ഇവരില് 537 ആളുകളാണ് ഗുരുതരാവസ്ഥയില് ആശുപത്രികളില് കഴിയുന്നത്. രാജ്യത്ത് കഴിഞ്ഞ ദിവസവും റിപ്പോര്ട്ട് ചെയ്ത കോവിഡ് കേസുകളില് ഏറ്റവും കൂടുതല് രോഗബാധിതര് റിയാദിലാണ്. 47 പേര്ക്കാണ് കഴിഞ്ഞ ദിവസം ഇവിടെ രോഗം സ്ഥിരീകരിച്ചത്.
Read also : കോവിഡ് ബാധിച്ച് യുഎഇയില് 4 മരണം; പ്രതിദിന രോഗബാധ 1,255