തിരുവനന്തപുരം: കോവിഡ് രോഗികൾക്ക് വീട്ടിലിരുന്ന് വോട്ട് ചെയ്യാനുള്ള സൗകര്യം ഒരുക്കാൻ തിരഞ്ഞെടുപ്പ് കമ്മീഷന്റെ തീരുമാനം. രോഗികളുടെ വോട്ട് രേഖപ്പെടുത്താനായി തിരഞ്ഞെടുപ്പ് ഉദ്യോഗസ്‌ഥർ വീടുകളിലേക്കെത്തും.
ആരോഗ്യ വകുപ്പിൽ രജിസ്‌റ്റർ ചെയ്‌തിട്ടുള്ള രോഗികൾ, നിരീക്ഷണത്തിൽ കഴിയുന്ന ആളുകൾ എന്നിവർക്കാണ് സേവനം ലഭ്യമാവുകയെന്ന് സംസ്‌ഥാന തിരഞ്ഞെടുപ്പ് കമ്മീഷണർ വി ഭാസ്‌കരൻ പറഞ്ഞു.
നേരത്തെ കോവിഡ് രോഗികൾക്ക് തപാൽ വോട്ട് പ്രഖ്യാപിച്ചിരുന്നു. എന്നാൽ എങ്ങനെ അപേക്ഷ നൽകുമെന്നത് ഉൾപ്പെടെയുള്ള ആശയക്കുഴപ്പങ്ങൾ നിലനിന്നിരുന്നു. ഇതിന് പരിഹാരമായാണ് തിരഞ്ഞെടുപ്പ് ഉദ്യോഗസ്‌ഥർ വീടുകളിൽ എത്തി വോട്ട് രേഖപ്പെടുത്തി വാങ്ങാൻ തീരുമാനം എടുത്തത്. വോട്ടിനായി പ്രത്യേകം അപേക്ഷിക്കണമെന്ന് നിർബന്ധമില്ല. ആരോഗ്യ വകുപ്പിൽ രജിസ്‌റ്റർ ചെയ്‌താൽ മതി.
അദ്ധ്യക്ഷ പദവികളിലെ സംവരണം മാറ്റണമെന്ന കോടതി ഉത്തരവ് നടപ്പാക്കുമെന്നും തിരഞ്ഞെടുപ്പ് കമ്മീഷണർ അറിയിച്ചു. ഗ്രാമ പഞ്ചായത്തുകളിലും ജില്ലാ പഞ്ചായത്തുകളിലും സംവരണ പട്ടികയിൽ മാറ്റമുണ്ടാകും. തിരഞ്ഞെടുപ്പ് പ്രചാരണത്തിൽ പ്ളാസ്‌റ്റിക് പൂർണ്ണമായും നിരോധിച്ചതായും തിരഞ്ഞെടുപ്പ് കമ്മീഷണർ അറിയിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
