പഞ്ചാബിലെ ഇന്ത്യ-പാക് അതിർത്തിയിലും ഡ്രോൺ സാന്നിധ്യം; സ്‍ഫോടക വസ്‌തുക്കളും കണ്ടെടുത്തു

By Staff Reporter, Malabar News
Drone use in punjab also
Representational Image

ലുധിയാന: ഇന്ത്യ-പാക് അതിർത്തിയിൽ സ്‌ഥിതി ചെയ്യുന്ന ദാലികെ ഗ്രാമത്തിൽ നിന്ന് ഒരു ബാഗിൽ നിറച്ച നിലയിൽ ഐഇഡി, ഹാൻഡ് ഗ്രനേഡുകൾ, മറ്റ് വെടിയുണ്ടകൾ എന്നിവ ഉൾപ്പടെയുള്ള സ്‍ഫോടക വസ്‌തുക്കൾ പിടികൂടി പഞ്ചാബ് പോലീസ്.

ഡ്രോൺ ഉപയോഗിച്ചാണ് സ്‍ഫോടക വസ്‌തുക്കൾ രാജ്യാതിർത്തി കടത്തിയതെന്നും, പിടിച്ചെടുത്തവയിൽ അഞ്ച് ഹാൻഡ് ഗ്രനേഡുകളും, നൂറ് 9 എംഎം വെടിയുണ്ടകളും ഒരു ടിഫിൻ ബോംബും മൂന്ന് ഡിറ്റണേറ്ററുകളും ഉണ്ടെന്നും പോലീസ് പറയുന്നു.

2 കിലോഗ്രാം ആർഡിഎക്‌സ്‌ ഉപയോഗിച്ചാണ് ഐഇഡി നിർമിച്ചിരിക്കുന്നത്. ഉപകരണത്തിൽ ഒരു സ്വിച്ചും ഘടിപ്പിച്ചിട്ടുണ്ട്. സ്വാതന്ത്ര്യ ദിനാഘോഷ വേളയിൽ തീവ്രവാദ ഗ്രൂപ്പുകൾ പലയിടത്തും ബോംബ് സ്‍ഫോടനം നടത്താൻ പദ്ധതിയിടുന്നതായി പഞ്ചാബ് ഡിജിപി ദിനകർ ഗുപ്‌ത പറഞ്ഞു.

സമാന സാഹചര്യത്തിൽ ജമ്മു കശ്‌മീരിലെ സാംബ ജില്ലയിൽ അതിർത്തിക്ക് അപ്പുറത്തുനിന്ന് ഡ്രോൺ ഉപയോഗിച്ച് നിക്ഷപിച്ച ആയുധങ്ങളും, വെടിയുണ്ടകളും സുരക്ഷാ സേന വെള്ളിയാഴ്‌ച കണ്ടെടുത്തിരുന്നു. കഴിഞ്ഞ കുറച്ചു നാളുകളായി അതിർത്തിയിൽ ഡ്രോൺ ഉപയോഗിച്ചുള്ള തീവ്രവാദ പ്രവർത്തനങ്ങൾ വർധിച്ചു വരികയാണ്.

Read Also: ശ്രീറാം വെങ്കിട്ടരാമന്റെ ഫോട്ടോ എടുക്കാൻ ശ്രമം; മാദ്ധ്യമ പ്രവർത്തകനെ കയ്യേറ്റം ചെയ്‌ത്‌ അഭിഭാഷകർ

Mechart

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE