ന്യൂഡെൽഹി : ഇന്ത്യയിൽ വികസിപ്പിച്ച കോവിഡ് വാക്സിനായ കോവിഷീൽഡിന് 8 യൂറോപ്യൻ രാജ്യങ്ങളുടെ അംഗീകാരം. ജർമനി, സ്ളോവീനിയ, ഓസ്ട്രിയ, ഗ്രീസ്, ഐസ്ലാൻഡ്, അയർലാൻഡ്, സ്പെയ്ൻ, സ്വിറ്റ്സർലാൻഡ് എന്നീ 8 രാജ്യങ്ങളാണ് കോവിഷീൽഡിന് അംഗീകാരം നൽകിയത്. അതിനാൽ തന്നെ 2 ഡോസ് കോവിഷീൽഡ് വാക്സിൻ എടുത്ത ആളുകൾക്ക് ഇനി മുതൽ ഈ രാജ്യങ്ങളിൽ ക്വാറന്റെയ്ൻ ഇല്ലാതെ തന്നെ പ്രവേശനാനുമതി ഉണ്ടായിരിക്കും.
കൊവാക്സിനും, കോവിഷീൽഡും സ്വീകരിച്ച ആളുകൾക്ക് യൂറോപ്യൻ രാജ്യങ്ങളിൽ പ്രവേശനം അനുവദിക്കണമെന്ന ആവശ്യവുമായി ഇന്ത്യ നേരത്തെ രംഗത്ത് വന്നിരുന്നു. യൂറോപ്യൻ മെഡിസിൻ ഏജൻസി ഈ രണ്ട് വാക്സിനുകൾക്കും അംഗീകാരം നൽകാതിരുന്ന സാഹചര്യത്തിലാണ് ഈ ആവശ്യം ഉന്നയിച്ച് ഇന്ത്യ രംഗത്ത് വന്നത്.
കൂടാതെ കൊവാക്സിനും കോവിഷീൽഡും അംഗീകരിക്കാത്ത സാഹചര്യത്തിൽ യൂറോപ്യൻ രാജ്യങ്ങളുടെ വാക്സിൻ സർട്ടിഫിക്കറ്റുകൾ ഇന്ത്യയും സ്വീകരിക്കില്ലെന്ന മുന്നറിയിപ്പ് നൽകിയിട്ടുണ്ട്. ഒപ്പം ഈ വാക്സിനുകൾ അംഗീകരിച്ചാൽ യൂറോപ്യൻ യൂണിയൻ രാജ്യങ്ങളിൽ നിന്നും ഇന്ത്യയിലെത്തുന്നവർക്ക് നിർബന്ധിത ക്വാറന്റീനിൽ നിന്ന് ഒഴിവാകാമെന്നാണ് ഇന്ത്യൻ വിദേശകാര്യ മന്ത്രാലയം വ്യക്തമാക്കിയത്.
Read also : കോവിഡ് വാക്സിനേഷൻ; പ്രായപൂർത്തിയായ എല്ലാവരും വാക്സിനെടുത്ത ആദ്യ ജില്ലയായി നീലഗിരി