തിരുവനന്തപുരം : കര്ഷക സമരങ്ങളുടെ ഭാഗമായി ഡിസംബര് 8 ആം തീയതി നടത്താന് തീരുമാനിച്ച ഭാരത് ബന്ദില് സംസ്ഥാനത്ത് ഹര്ത്താല് നടത്തില്ലെന്ന് പ്രഖ്യാപിച്ച് സിഐടിയു. സിഐടിയു സംസ്ഥാന സെക്രട്ടറി എളമരം കരീമാണ് ഇക്കാര്യം വ്യക്തമാക്കിയത്.
8 ആം തീയതി രാജ്യമൊട്ടാകെ നടത്താന് തീരുമാനിച്ച ഭാരത് ബന്ദില് തൊഴിലാളി യൂണിയനുകള് പിന്തുണ പ്രഖ്യാപിച്ചിരുന്നു. എന്നാല് അന്നേ ദിവസം തന്നെ സംസ്ഥാനത്ത് ആദ്യഘട്ട തദ്ദേശ തിരഞ്ഞെടുപ്പ് നടക്കുന്നുണ്ട്. ഈ സാഹചര്യത്തിലാണ് സംസ്ഥാനത്ത് ഹര്ത്താല് നടത്തേണ്ടെന്ന തീരുമാനത്തില് തൊഴിലാളി സംഘടനകള് എത്തിയതെന്ന് അദ്ദേഹം വ്യക്തമാക്കി.
ഈ മാസം 8 ആം തീയതി നടക്കുന്ന ആദ്യഘട്ട തദ്ദേശ തിരഞ്ഞെടുപ്പില് തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി എന്നീ ജില്ലകളിലാണ് തിരഞ്ഞെടുപ്പ് നടക്കുന്നത്. ഈ സാഹചര്യത്തിലാണ് തൊഴിലാളി യൂണിയനുകള് ഭാരത് ബന്ദില് സംസ്ഥാനത്ത് ഹര്ത്താല് നടത്തേണ്ടെന്ന തീരുമാനത്തില് എത്തിച്ചേര്ന്നത്.
Read also : കത്തുന്ന കർഷക പ്രക്ഷോപം; സോഷ്യൽമീഡിയ ചോദിക്കുന്നു ‘ശ്രദ്ധതിരിക്കാനുള്ള ഭരണകൂട തന്ത്രം’ ഉടനുണ്ടാകുമോ?