ഗാന്ധിനഗർ: ഗുജറാത്തിൽ ഒഴിവ് വന്ന 2 രാജ്യസഭാ സീറ്റുകളിലേക്കുള്ള ഉപതിരഞ്ഞെടുപ്പ് മാർച്ച് ഒന്നിന് നടക്കും. കോൺഗ്രസ് നേതാവ് അഹമ്മദ് പട്ടേൽ, ബിജെപി നേതാവ് അഭയ് ഗൺപത്രേയ ഭരദ്വാജ് എന്നിവരുടെ മരണം മൂലം ഒഴിവ് വന്ന സീറ്റുകളിലേക്കാണ് തിരഞ്ഞെടുപ്പ് നടക്കുന്നത്. അഹമ്മദ് പട്ടേൽ 2020 നവംബർ 25നും അഭയ് ഗൺപത്രേയ ഭരദ്വാജ് 2020 ഡിസംബർ ഒന്നിനുമാണ് അന്തരിച്ചത്.
കോവിഡ് വ്യാപനത്തിന്റെ പശ്ചാത്തലത്തിൽ തിരഞ്ഞെടുപ്പ് സജ്ജീകരണങ്ങൾക്കായി മുതിർന്ന ഉദ്യോഗസ്ഥനെ നിയമിക്കാൻ തിരഞ്ഞെടുപ്പ് കമ്മീഷണർ ഗുജറാത്ത് ചീഫ് സെക്രട്ടറിയോട് ആവശ്യപ്പെട്ടിട്ടുണ്ട്. ഗുജറാത്ത് ചീഫ് ഇലക്ടറൽ ഓഫീസറെ തിരഞ്ഞെടുപ്പ് നിരീക്ഷകനായും കമ്മീഷൻ നിയമിച്ചിട്ടുണ്ട്.
Read also: പ്രസ്താവനകളും പ്രസംഗങ്ങളുമല്ല, ചർച്ചയാണ് ആവശ്യം; കേന്ദ്രത്തിന് എതിരെ പ്രതിപക്ഷം
