ഹൈദരാബാദ്: രാജ്യത്തെ ഏറ്റവും വലിയ മുന്‍സിപ്പല്‍ കോര്‍പറേഷനുകളില്‍ ഒന്നായ ഗ്രേറ്റര്‍ ഹൈദരാബാദ് കോര്‍പ്പറേഷന്‍ തിരഞ്ഞെടുപ്പിന്റെ വോട്ടെണ്ണല്‍ പുരോഗമിക്കുമ്പോൾ 70 സീറ്റുകളിൽ ടിആർഎസ് (തെലങ്കാന രാഷ്‌ട്ര സമിതി) മുന്നിട്ട് നിൽക്കുന്നു. പോസ്‌റ്റൽ വോട്ടുകൾ എണ്ണിയപ്പോൾ മുന്നിൽ നിന്ന ബിജെപി ഇപ്പോൾ മൂന്നാം സ്‌ഥാനത്താണ്. 36 വാർഡുകളിൽ മാത്രമാണ് ബിജെപി ലീഡ് ചെയ്യുന്നത്. 42 വാർഡുകളിൽ എഐഎംഐഎം ലീഡ് ചെയ്യുന്നു.
150 സീറ്റുകളിലേക്ക് 1112 സ്‌ഥാനാര്‍ഥികളാണ് ജനവിധി തേടിയത്. കോവിഡ് പ്രതിരോധ നടപടികളുടെ ഭാഗമായി ബാലറ്റ് പേപ്പറുകൾ ഉപയോഗിച്ചാണ് വോട്ടെടുപ്പ് നടത്തിയത്. അതിനാൽ അന്തിമ ഫലം രാത്രിയോടെയേ ഉണ്ടാവുകയുള്ളൂ എന്നാണ് സൂചന.
2023ൽ നടക്കാനിരിക്കുന്ന നിയമസഭാ തിരഞ്ഞെടുപ്പിന് മുന്നോടിയായുള്ള വോട്ടെടുപ്പ് ആയതിനാൽ അതീവ ഗൗരവത്തോടെയാണ് രാഷ്‌ട്രീയ പാർട്ടികൾ ഫലത്തെ കാണുന്നത്. 2016ലെ ഗ്രേറ്റര്‍ ഹൈദരാബാദിലെ മുന്‍സിപ്പല്‍ തിരഞ്ഞെടുപ്പില്‍ 99 വാര്‍ഡുകളില്‍ ടിആര്‍എസ്, 44 എണ്ണത്തില്‍ ഒവൈസിയുടെ എഐഎംഐഎം, 3 സീറ്റുകളില്‍ ബിജെപി, കോണ്‍ഗ്രസ്, മറ്റുള്ളവര്‍ രണ്ടിടങ്ങളില്‍ വീതം എന്നതായിരുന്നു സീറ്റുനില. ഇത്തവണ അമിത് ഷാ, ബിജെപി ദേശീയ അധ്യക്ഷൻ ജെപി നഡ്ഡ ഉള്‍പ്പടെ മുന്‍ നിര നേതാക്കള്‍ പ്രചാരണ രംഗത്ത് സജീവമായിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
