കൊച്ചി: ആലുവ അന്വര് മെമ്മോറിയല് ആശുപത്രിക്കെതിരെ കേസ്. കോവിഡ് ചികിൽസക്ക് അമിത ചാര്ജ് ഈടാക്കിയതുമായി ബന്ധപ്പെട്ടാണ് പോലീസ് കേസെടുത്തത്. ആശുപത്രിക്കെതിരെ എറണാകുളം ജില്ലാ കളക്ടറുടെ നിര്ദ്ദേശ പ്രകാരം ജില്ലാ ആരോഗ്യവിഭാഗവും അന്വേഷണം ആരംഭിച്ചു.
കോവിഡ് കാലത്തെ ചികിൽസയുമായി ബന്ധപ്പെട്ട് അന്വര് ആശുപത്രിക്കെതിരെ പത്തോളം പരാതികളാണ് പോലീസിന് ലഭിച്ചത്. പ്രാഥമിക പരിശോധനയില് പരാതിയില് കഴമ്പുണ്ടെന്ന് ബോധ്യപ്പെട്ടു. തുടര്ന്നാണ് പോലീസ് കേസെടുത്ത് അന്വേഷണം ആരംഭിച്ചത്.
ആരോഗ്യവകുപ്പ് നടത്തുന്ന അന്വേഷണത്തിന് രണ്ട് എഡിഎംഒമാരെയാണ് നിയോഗിച്ചിരിക്കുന്നത്. പരിശോധന നടത്തി റിപ്പോര്ട് സമര്പ്പിക്കാന് കളക്ടര് നിര്ദ്ദേശിച്ചിട്ടുണ്ട്.