വാഷിങ്ടൺ: പ്രമുഖ മൾട്ടി നാഷണൽ കമ്പനിയായ ജോൺസൺ ആൻഡ് ജോൺസൺ വികസിപ്പിച്ച ഒറ്റ ഡോസ് കോവിഡ് പ്രതിരോധ വാക്‌സിന് അടിയന്തര ഉപയോഗ അനുമതി. യുഎസിലാണ് അനുമതി ലഭിച്ചിരിക്കുന്നത്. ലോകത്തിൽ ആദ്യമായാണ് ഒറ്റ ഡോസ് വാക്‌സിന് അനുമതി ലഭിക്കുന്നത്.
ഫുഡ് ആൻഡ് ഡ്രഗ് അഡ്‌മിനിസ്ട്രേഷനാണ് ജോൺസൺ ആൻഡ് ജോൺസന്റെ വാക്‌സിൻ അംഗീകരിച്ചത്. ഒറ്റ ഡോസ് ആയതിനാൽ വാക്‌സിനേഷൻ വേഗത്തിലാക്കാനും കഴിയും. കോവിഡിന്റെ വകഭേദങ്ങൾക്ക് എതിരെയും ഇത് ഫലപ്രദമാണ്. ജൂൺ മാസത്തോടെ 100 മില്യൺ ഡോസ് രാജ്യത്ത് വിതരണം ചെയ്യാനാണ് പദ്ധതി.
മൊത്തം വരുമാനം അനുസരിച്ച് യുഎസ് കോർപറേഷനുകളുടെ 2018 ഫോർച്യൂൺ 500 പട്ടികയിൽ 37ആം സ്‌ഥാനം കരസ്‌ഥമാക്കിയ കമ്പനിയാണ് ജോൺസൺ ആൻഡ് ജോൺസൺ. ലോകത്തിലെ ഏറ്റവും മൂല്യവത്തായ കമ്പനികളിൽ ഒന്നാണിത്.
Also Read: മുസ്‌ലിം വിരുദ്ധമല്ല; നിർബന്ധിത മത പരിവർത്തന നിയമത്തെ ന്യായീകരിച്ച് യോഗി
