കൊച്ചി: മോൻസൺ മാവുങ്കലിന്റെ കേസ് സിബിഐ അന്വേഷിക്കണമെന്ന ഇഡി പരാമർശത്തിന് എതിരെ സംസ്ഥാന സർക്കാർ. ഇഡിയുടെ നിലപാടിന് പിന്നിൽ മറ്റ് പ്രേരണകളാണെന്ന് സർക്കാർ അറിയിച്ചു. പല കേസുകളിലും ഇഡിയുടെ ഇടപെടൽ ഫെഡറൽ തത്വങ്ങൾക്ക് എതിരാണെന്നും സർക്കാർ ചൂണ്ടിക്കാണിച്ചു. മോൻസൺ മാവുങ്കലിന്റെ മുൻ ഡ്രൈവറുടെ ഹരജിയിൽ ഉന്നയിച്ച ആവശ്യങ്ങളിൽ സർക്കാർ ഉചിതമായ നടപടികൾ സ്വീകരിച്ചിട്ടുണ്ട്.
ഈ സാഹചര്യത്തിൽ കേസ് അവസാനിപ്പിക്കണമെന്നാണ് സംസ്ഥാന സർക്കാരിന്റെ ആവശ്യം. സംഭവവുമായി ബന്ധപ്പെട്ട ഹരജിയിലെ ആവശ്യങ്ങൾക്ക് അപ്പുറത്തേക്ക് ഉള്ള വിഷയങ്ങളിൽ കോടതി കടക്കുന്നുവെന്നും സർക്കാർ പറയുന്നു. ഈ ഘട്ടത്തിൽ കോടതിയുടെ ഇടപെടലുകൾ മോൻസൺ കേസിലെ അന്വേഷണത്തെ ബാധിക്കും. ക്രൈം ബ്രാഞ്ച് അന്വേഷണത്തെക്കുറിച്ച് നിലവിൽ ആർക്കും പരാതിയില്ലെന്നും സർക്കാരിന്റെ സത്യവാങ്മൂലത്തില് പറയുന്നു.
Read Also: കെ റെയിലിനെതിരെ സംസ്ഥാന വ്യാപക സമരത്തിന് യുഡിഎഫ്