മസ്ക്കറ്റ്: ഡ്രൈവിങ് ജോലിയിൽ വിദേശികൾക്ക് നിയന്ത്രണം ഏർപ്പെടുത്തി ഒമാൻ. ഇന്ധനം കൊണ്ടുപോകുന്ന വാഹനങ്ങൾ, കാർഷിക ഉൽപ്പന്നങ്ങൾ കൊണ്ടുപോകുന്ന വാഹനങ്ങൾ, ഭക്ഷ്യ ഉൽപ്പന്നങ്ങൾ കൊണ്ടുപോകുന്ന വാഹനങ്ങൾ എന്നിവയിൽ സ്വദേശികളായ ഡ്രൈവർമാർ മാത്രമേ പാടുള്ളുവെന്ന് തൊഴിൽ മന്ത്രി പുറപ്പെടുവിച്ച ഉത്തരവിൽ പറയുന്നു.
എന്നാൽ സ്വദേശി തൊഴിലുടമയുടെ മുഴുവൻ സമയ മേൽനോട്ടത്തിലുള്ള ചെറുകിട-ഇടത്തരം സ്ഥാപനങ്ങൾക്ക് കാർഷിക ഉൽപ്പന്നങ്ങളും, ഭക്ഷ്യ ഉൽപ്പന്നങ്ങളും വിൽപ്പന ചെയ്യുന്ന വാഹനങ്ങൾക്ക് വിദേശി ഡ്രൈവർമാരെ നിയമിക്കാൻ നിബന്ധനകൾക്ക് വിധേയമായി അനുമതി നൽകും. ചെറുകിട-ഇടത്തരം വ്യവസായ വികസന അതോറിറ്റിയിലും സോഷ്യൽ ഇൻഷുറൻസ് പൊതു അതോറിറ്റി (പിഎഎസ്ഐ) എന്നിവയിലും രജിസ്റ്റർ ചെയ്തവ ആയിരിക്കണം ഇത്തരം സ്ഥാപനങ്ങൾ. സ്ഥാപനത്തിന്റെ പേരിൽ വാണിജ്യ വിഭാഗത്തിൽ രജിസ്റ്റർ ചെയ്ത വാഹനങ്ങൾ ആയിരിക്കണമെന്നും ഉത്തരവിൽ പറയുന്നു.
Read also: രാജ്യാന്തര ചലച്ചിത്ര മേളക്ക് തിരശീല; പുരസ്കാരങ്ങൾ ഇന്ന് പ്രഖ്യാപിക്കും