കണ്ണൂർ: ഇരിക്കൂറിൽ കോൺഗ്രസിലെ പ്രശ്‌നങ്ങൾക്ക് ഇനിയും പരിഹാരമായില്ല. പ്രവർത്തകരുടെ വികാരം ഉൾക്കൊള്ളുന്നുവെന്ന് ഉമ്മൻ ചാണ്ടി പറഞ്ഞു. കോൺഗ്രസ് നേതാക്കളുമായി ചർച്ച ചെയ്‌ത്‌ പരിഹാരം കാണുമെന്നും അദ്ദേഹം അറിയിച്ചു. സോണി സെബാസ്‌റ്റൃൻ അടക്കമുള്ള എ ഗ്രൂപ്പ് നേതാക്കളുമായി അദ്ദേഹം ചർച്ച നടത്തി.
വിഷയത്തിൽ എ ഗ്രൂപ്പ് കടുത്ത നിലപാടുമായി മുന്നോട്ട് പോകുന്നതിനിടെയാണ് ഉമ്മൻ ചാണ്ടിയുടെ ഇടപെടൽ. എന്നിട്ടും പ്രശ്‌നം പരിഹരിക്കാൻ സാധിച്ചില്ല. കെസി ജോസഫ് ഉള്‍പ്പടെയുള്ള നേതാക്കള്‍ നേരത്തെ നടത്തിയ അനുനയ നീക്കവും ഫലം കണ്ടിരുന്നില്ല. മണിക്കൂറുകള്‍ നീണ്ടു നിന്ന ചർച്ചയിൽ സജീവ് ജോസഫിനെ മാറ്റണമെന്ന നിലപാടില്‍ എ ഗ്രൂപ്പ് നേതാക്കള്‍ ഉറച്ചു നിൽക്കുകയായിരുന്നു.
സോണി സെബാസ്‌റ്റൃന് ഡിസിസി അധ്യക്ഷസ്‌ഥാനം നല്‍കാമെന്ന ഫോര്‍മുലയാണ് നേതൃത്വം മുന്നോട്ട് വെച്ചത്. എന്നാൽ ഈ നിർദേശം എ ഗ്രൂപ്പ് തള്ളുകയായിരുന്നു.
Also Read: ബിനീഷിനെതിരായ കേസ്; തന്നെ ലക്ഷ്യമിട്ട് കൊണ്ടുള്ളതാണെന്ന് കോടിയേരി
