കൊച്ചി: ഐഎസ്എൽ എട്ടാം സീസൺ ആരംഭിക്കുന്നതിന് മുന്നോടിയായി കേരള ബ്ളാസ്റ്റേഴ്സ് പ്രീസീസൺ തയ്യാറെടുപ്പുകൾ ആരംഭിച്ചു. ഇതിന്റെ ഭാഗമായി നടന്ന ആദ്യ സൗഹൃദ മൽസരത്തിൽ ബ്ളാസ്റ്റേഴ്സ് കരുത്തരായ ഇന്ത്യൻ നേവിയെ തകർത്തു.
എതിരില്ലാത്ത രണ്ട് ഗോളുകൾക്കാണ് കേരള ടീമിന്റെ വിജയം. അടുത്ത മാസം ആരംഭിക്കാൻ ഇരിക്കുന്ന ഐഎസ്എൽ സീസണ് മുന്നോടിയായി രണ്ടിലധികം പ്രീസീസൺ മൽസരങ്ങളാണ് ബ്ളാസ്റ്റേഴ്സ് കളിക്കുന്നത്.
ഇന്ന് വൈകീട്ട് നേവിക്ക് എതിരെ നടന്ന മൽസരത്തിൽ ഇന്ത്യൻ ക്യാംപിനൊപ്പമുള്ള സഹൽ, ജീക്സൺ സിംഗ് എന്നിവർ ഒഴികെയുള്ള മുൻനിര താരങ്ങളെല്ലാം തന്നെ ഇറങ്ങി. ഭൂട്ടാനീസ് താരം ചെഞ്ചോയാണ് പത്താം മിനിറ്റിൽ ആദ്യഗോൾ നേടിയത്.
സ്പാനിഷ് താരം അൽവാരോ വാസ്കേസ് ടീമിനായി രണ്ടാം ഗോൾ നേടി. എനസ് സിപോവിക്, അഡ്രിയാൻ ലൂണ, ലെസ്കോവിക്, പെരേര ഡയസ്, അൽവാരോ തുടങ്ങിയ വിദേശ താരങ്ങളെല്ലാം ബ്ളാസ്റ്റേഴ്സിന് വേണ്ടി കളത്തിലിറങ്ങി.
Read Also: ഫോബ്സ് പട്ടിക; ഇന്ത്യയിലെ അതിസമ്പന്നൻ അംബാനി, ആറ് മലയാളികളും പട്ടികയിൽ