ബഹിരാകാശ ശാസ്ത്രജ്ഞൻ നമ്പി നാരായണന്റെ ജീവിതകഥ പറഞ്ഞ ചിത്രമായ ‘റോക്കട്രി ദി നമ്പി എഫക്ട്‘ ഒടിടിയിലൂടെ പ്രേക്ഷകർക്ക് മുൻപിലേക്ക്. ആര് മാധവന്റെ ആദ്യ സംവിധാന സംരഭം എന്ന നിലയിൽ ഏറെ ശ്രദ്ധിക്കപ്പെട്ട ചിത്രം തിയറ്ററുകളില് മികച്ച പ്രതികരണം നേടിയിരുന്നു. ഇതിന് പിന്നാലെയാണ് ഒടിടി സ്ട്രീമിംഗ് പ്രഖ്യാപിച്ചിരിക്കുന്നത്.
ജൂലൈ 26 മുതലാണ് ചിത്രം ഓണ്ലൈനില് സ്ട്രീം ചെയ്യുക. തമിഴ്, തെലുങ്ക്, മലയാളം, കന്നഡ എന്നീ ഭാഷകളിലാണ് ചിത്രം എത്തുക. ആമസോണ് പ്രൈം വീഡിയോയിലാണ് ചിത്രം സ്ട്രീം ചെയ്യുന്നത്. സൂര്യ, ഷാരൂഖ് ഖാൻ തുടങ്ങിയ പ്രമുഖർ അതിഥി വേഷത്തിൽ എത്തിയ ചിത്രത്തിൽ ആർ മാധവൻ തന്നെയാണ് നമ്പി നാരായണന്റെ വേഷം അവതരിപ്പിച്ചത്.
hop on for a space adventure ?#RocketryOnPrime, July 26 pic.twitter.com/W3JDZEz2eD
— amazon prime video IN (@PrimeVideoIN) July 20, 2022
മാധവൻ തന്നെയായിരുന്നു ചിത്രത്തിന്റെ രചനയും നിര്വഹിച്ചിരുന്നത്. ‘ടൈറ്റാനിക്’ ഫെയിം റോൺ ഡൊണാച്ചി അടക്കം നിരവധി ഹോളിവുഡ് താരങ്ങളും ചിത്രത്തില് അണിനിരന്നിട്ടുണ്ട്. 75ആമത് കാന് ചലച്ചിത്രോൽസവത്തില് ചിത്രം കൈയടി നേടിയിരുന്നു.
മലയാളി സംവിധായകന് പ്രജേഷ് സെന് ചിത്രത്തിന്റെ കോ-ഡയറക്ടറാണ്. ശ്രീഷ റായ് ആണ് ഛായാഗ്രഹണം. എഡിറ്റിംഗ് ബിജിത്ത് ബാല. സംഗീതം സാം സിഎസ്. ട്രൈ കളര് ഫിലിംസ്, വര്ഗീസ് മൂലന് പിക്ചേഴ്സ് എന്നീ ബാനറുകളില് മാധവനും ഡോ. വര്ഗീസ് മൂലനും ഒപ്പം ഹോളിവുഡ് പ്രൊഡക്ഷൻ കമ്പനിയായ 27 ഇൻവെസ്റ്റ്മെന്റ്സും ചേര്ന്നാണ് ചിത്രത്തിന്റെ നിര്മാണം.
Read Also: മുഖ്യമന്ത്രി ഭീരു, ചർച്ചയിൽ നിന്ന് പോലും ഒളിച്ചോടുന്നു; വിഡി സതീശൻ