ന്യൂഡെൽഹി: കോൺഗ്രസ് നേതാവ് സച്ചിൻ പൈലറ്റ് പോലീസ് കസ്‌റ്റഡിയിൽ. ബുധനാഴ്‌ച അക്ബർ റോഡിലെ എഐസിസി ആസ്‌ഥാനത്തേക്ക് പോകുന്നതിനിടെ ഡെൽഹി പോലീസ് ഇദ്ദേഹത്തെ കസ്‌റ്റഡിയിൽ എടുക്കുകയായിരുന്നു. നാഷണൽ ഹെറാൾഡ് കേസിൽ കോൺഗ്രസ് നേതാവ് രാഹുൽ ഗാന്ധിയെ എൻഫോഴ്‌സ്‌മെന്റ് ഡയറക്‌ടറേറ്റ് ചോദ്യം ചെയ്യുന്നതിനെതിരെ പാർട്ടി പ്രവർത്തകരുടെ പ്രതിഷേധം ശക്‌തമാകുന്നതിനിടെ ആണ് അറസ്‌റ്റ്.
രാജസ്‌ഥാൻ മുൻ ഉപമുഖ്യമന്ത്രിയായ സച്ചിൻ പൈലറ്റിനെ പാർട്ടി ആസ്‌ഥാനത്തേക്ക് പോകുന്നതിനിടെ തടഞ്ഞുനിർത്തി പോലീസ് ബസിൽ കയറ്റിക്കൊണ്ടു പോകുകയായിരുന്നു. പാർട്ടി ആസ്‌ഥാനത്തേക്ക് കടക്കാൻ മാത്രമാണ് താൻ ശ്രമിക്കുന്നതെന്ന് സച്ചിൻ പൈലറ്റ് സോഷ്യൽ മീഡിയയിൽ പങ്കുവെച്ച വീഡിയോയിൽ പറഞ്ഞു.
#WATCH Congress leader Sachin Pilot detained by police amid protests by party workers over the questioning of Rahul Gandhi by the Enforcement Directorate in the National Herald case#Delhi pic.twitter.com/smlKTJ62hS
— ANI (@ANI) June 15, 2022
“അവർ എന്നെ ഏത് പോലീസ് സ്‌റ്റേഷനിലേക്കാണ് കൊണ്ടുപോകുന്നതെന്ന് എനിക്കറിയില്ല. ഇത് തെറ്റാണ്. ഞാൻ ഇതിനെ അപലപിക്കുന്നു,” പോലീസ് വാനിൽ നിന്ന് പൈലറ്റ് പറഞ്ഞു. നീതിക്കുവേണ്ടിയുള്ള ഞങ്ങളുടെ പ്രതിഷേധവുമായി മുന്നോട്ട് പോകുമെന്നും സച്ചിൻ പൈലറ്റ് വ്യക്‌തമാക്കി.
श्री @SachinPilot जी.. pic.twitter.com/GyhK6jlL68
— Balkaur Singh Dhillon (@BalkaurDhillon) June 15, 2022
പാർട്ടി ആസ്‌ഥാനത്ത് അതിക്രമിച്ച് കയറിയ പോലീസ്, പ്രവർത്തകരെ ആക്രമിച്ചതായി കോൺഗ്രസ് ആരോപിച്ചു. എന്നാൽ ആരോപണം ഡെൽഹി പോലീസ് നിഷേധിച്ചു. ഇഡി ഓഫിസിനും കോൺഗ്രസ് ആസ്‌ഥാനത്തിനും ഇടയിലുള്ള പ്രദേശത്ത് 144 ഏർപ്പെടുത്തിയിട്ടുണ്ട് എന്നും പോലീസ് പറഞ്ഞു.
Most Read: രൺബീർ- ആലിയ ബ്രഹ്‌മാണ്ഡ ചിത്രം ‘ബ്രഹ്‌മാസ്‌ത്ര’; ട്രെയ്‌ലർ പുറത്ത്
