ശ്രീനഗർ: ദക്ഷിണ കശ്‌മീരിലെ ഷോപിയാൻ ജില്ലയിൽ ശനിയാഴ്‌ച രാത്രി ആരംഭിച്ച ഏറ്റുമുട്ടലിൽ രണ്ട് ഭീകരരെ സുരക്ഷാസേന വധിച്ചു. കൊല്ലപ്പെട്ട ഭീകരർക്ക് നിരോധിത സംഘടനകളായ ലഷ്‌കറുമായും ടിആർഎഫുമായും ബന്ധമുണ്ടെന്ന് കശ്‌മീർ പോലീസ് അറിയിച്ചു.
കൃത്യമായ വിവരങ്ങളുടെ അടിസ്‌ഥാനത്തിൽ സൈന്യവും സിആർപിഎഫും ചേർന്ന് പോലീസ് സഹായത്തോടെ കിർബാലിൽ നടത്തിയ തിരച്ചിലിന്റെ ഫലമായാണ് ഭീകരരെ കണ്ടെത്തിയത്. പിന്നീട് നടന്ന ഏറ്റുമുട്ടലിലാണ് ഇവർ കൊല്ലപ്പെട്ടത്.
ലഷ്‌കറിന്റെയും ടിആർഎഫിന്റെയും പ്രവർത്തകരായ രണ്ട് തീവ്രവാദികളാണ് കൊല്ലപ്പെട്ടത്. ഏറ്റുമുട്ടൽ നടന്ന സ്‌ഥലത്ത് നിന്ന് ആയുധങ്ങളും വെടിക്കോപ്പുകളും ഉൾപ്പെടെയുള്ള സാമഗ്രികൾ തിരച്ചിലിൽ കണ്ടെടുത്തിട്ടുണ്ട്; പോലീസ് വക്‌താവ്‌ മാദ്ധ്യമങ്ങളോട് പറഞ്ഞു.
തീവ്രവാദികളെ തിരിച്ചറിയാനുള്ള നടപടികൾ സ്വീകരിച്ചുവെന്നും പ്രദേശത്ത് തിരച്ചിൽ തുടരുകയാണെന്നും ജമ്മു കശ്‌മീർ പോലീസ് അറിയിച്ചു. ജനുവരി മാസത്തിൽ ഇതുവരെ 16 തീവ്രവാദികളെയാണ് സൈന്യം വധിച്ചത്. ഇതിൽ ഏഴ് പേർ വിദേശ പൗരൻമാരാണ്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
