പാലക്കാട്: പ്ളസ് ടു പരീക്ഷയുടെ മൂല്യനിർണയം ബഹിഷ്‌കരിച്ച് അധ്യാപകരുടെ പ്രതിഷേധം. ഉത്തരസൂചികയിൽ അപാകത ഉണ്ടെന്ന് ആരോപിച്ച് പാലക്കാട് ചെർപ്പുളശ്ശേരി ഗവ.ഹയർ സെക്കണ്ടറി സ്‌കൂളിലും കോഴിക്കോടുമാണ് അധ്യാപകർ മൂല്യനിർണയം ബഹിഷ്‌കരിക്കുന്നത്. പ്ളസ് ടു കെമിസ്ട്രി പരീക്ഷയുടെ മൂല്യനിർണയം നിർത്തിവെച്ചാണ് അധ്യാപകർ പ്രതിഷേധിക്കുന്നത്.
പാലക്കാട് ചെർപ്പുളശ്ശേരി ഗവ.ഹയർ സെക്കണ്ടറി സ്‌കൂളിൽ ഇതുവരെയും കെമിസ്ട്രി മൂല്യനിർണയം ആരംഭിക്കാനായില്ല. കോഴിക്കോടും അധ്യാപകർ ഉത്തരസൂചികയിൽ അപാകത ഉണ്ടെന്ന് ആരോപിച്ച് അധ്യാപകർ പ്രതിഷേധിക്കുകയാണ്. കെമിസ്ട്രി ഉത്തരപേപ്പറുകൾ മൂല്യനിർണയം ചെയ്യാൻ സജ്‌ജീകരിച്ച രണ്ട് ക്യാമ്പുകളിലും അധ്യാപകർ പ്രതിഷേധത്തിലാണ്.
സംസ്‌ഥാനത്തെ 14 ജില്ലകളിൽ നിന്ന് തിരഞ്ഞെടുത്ത കെമിസ്ട്രി അധ്യാപകർ തയാറാക്കി ഹയർസെക്കണ്ടറി ജോ.ഡയറക്‌ടർക്ക് നൽകിയ ഉത്തരസൂചിക ഒഴിവാക്കിയെന്നാണ് ആക്ഷേപം. തയ്യാറാക്കിയത് ആരാണെന്ന് വ്യക്‌തമാക്കാത്ത ഉത്തരസൂചിക മൂല്യനിർണയത്തിന് നൽകിയെന്നും അധ്യാപകർ ആരോപിക്കുന്നു.
Most Read: ഇന്ധനവില വർധനവ്; കേരളത്തെ പ്രധാനമന്ത്രി വിമർശിച്ചത് ഖേദകരം- മുഖ്യമന്ത്രി
