മസ്കറ്റ്: ഒമാനിൽ താമസിക്കുന്ന പ്രവാസികള്ക്ക് ഇന്ത്യന് സ്ഥാനപതിയുമായി സംവദിക്കുവാൻ അവസരമൊരുക്കി എംബസി. ഒമാന്റെ വിവിധ ഭാഗങ്ങളിൽ താമസിക്കുന്ന ഇന്ത്യക്കാർക്ക് തങ്ങളുടെ ആവശ്യങ്ങൾ, പരാതികൾ എന്നിവ സ്ഥാനപതി മുന്നു മഹാവീറിനെ നേരിട്ട് അറിയിക്കാം. കോവിഡ് സുരക്ഷാ മാനദണ്ഡങ്ങൾ പാലിച്ച് ടെലിഫോൺ കോൺഫറൻസ് മുഖേനെയായിരിക്കും സ്ഥാനപതിയെ പ്രവാസികൾക്ക് ബന്ധപ്പെടാൻ കഴിയുക.
‘ടെലി കോൺഫറൻസ് ഓപ്പൺ ഹൗസി’ലൂടെ ഇന്ത്യക്കാർക്ക് തങ്ങളുടെ ആവശ്യങ്ങൾ, പരാതികൾ എന്നിവ അംബാസഡറെ നേരിട്ട് അറിയിക്കാമെന്ന് ഇന്ത്യൻ എംബസി ട്വിറ്റർ സന്ദേശത്തിൽ വ്യക്തമാക്കി. ഏപ്രിൽ ഒൻപത് വെള്ളിയാഴ്ച ഉച്ചക്ക് ശേഷം രണ്ടു മുതൽ മൂന്നു മണി വരെയാണ് അവസരം. 24695981 എന്ന ടെലിഫോൺ നമ്പറിൽ പ്രവാസികൾക്ക് സ്ഥാനപതിയുമായി ബന്ധപ്പെടാം.
Read Also: അഹമ്മദാബാദ്, വഡോദര, സൂററ്റ്, രാജ്കോട് എന്നിവിടങ്ങളിൽ രാത്രികാല കർഫ്യൂ തുടരും