തിരുവനന്തപുരം: മുഖ്യമന്ത്രി പിണറായി വിജയനെതിരെ കടുത്ത വിമര്ശനവുമായി അറസ്റ്റിലായ കെഎസ് ശബരീനാഥന് എംഎൽഎ. താന് തീവ്രവാദിയൊന്നുമല്ല. തന്റെ അറസ്റ്റ് രാഷ്ട്രീയ പ്രേരിതമാണ്. മുഖ്യമന്ത്രി ഭീരുവാണെന്നും ശബരീനാഥന് ആരോപിച്ചു. ജനറല് ആശുപത്രിയില് വൈദ്യ പരിശോധനക്ക് പോലീസ് എത്തിച്ചപ്പോഴാണ് ശബരീനാഥന് മാദ്ധ്യമങ്ങളോട് പ്രതികരിച്ചത്.
മുഖ്യമന്ത്രിക്കെതിരെ വിമാനത്തിലുണ്ടായ പ്രതിഷേധത്തില് വധശ്രമത്തിന് ഗൂഢാലോചന നടത്തിയെന്ന കേസിലാണ് കെഎസ് ശബരീനാഥനെ ഇന്ന് പോലീസ് അറസ്റ്റ് ചെയ്തത്. സ്വർണക്കടത്ത് ചർച്ച ആകാതിരിക്കാൻ ആണ് ശബരീനാഥനെ അറസ്റ്റ് ചെയ്യുന്നതെന്ന് യൂത്ത് കോൺഗ്രസ് ദേശീയ നേതൃത്വം ആരോപിച്ചു. മോദിയുടെ ബി ടീമായി സിപിഎം മാറിയെന്നും നേതാക്കള് കുറ്റപ്പെടുത്തി.
അതേസമയം, ശബരീനാഥനെ അറസ്റ്റ് ചെയ്തത് ഉന്നത തല ഗൂഢാലോചനയുടെ ഭാഗമാണെന്ന് പ്രതിപക്ഷനേതാവ് വിഡി സതീശന് ആരോപിച്ചു. സർക്കാര് വൈര്യ നിര്യാതന ബുദ്ധിയോടെ പ്രവര്ത്തിക്കുകയാണെന്ന് പ്രതിപക്ഷ നേതാവ് പറഞ്ഞു.
അധികാരവും പോലീസും കൈയ്യിൽ ഉള്ളതിനാൽ എന്തും ചെയ്യുന്ന അവസ്ഥയാണ്. ഇപി ജയരാജനെതിരെ കേസില്ല എന്നത് സംഭവത്തില് ഇരട്ട നീതിയാണെന്ന് വെളിവാക്കുന്നതായും സതീശന് പറഞ്ഞു.
Most Read: ഡെൽഹിയിലെ കാറുകളിൽ ഇന്ധനം വ്യക്തമാക്കുന്ന സ്റ്റിക്കർ നിർബന്ധമാക്കി