മലപ്പുറം: ജില്ലയിൽ നിന്നും മൂന്നാറിലേക്കുള്ള വിനോദസഞ്ചാരത്തിന് 3 പാക്കേജുകൾ പ്രഖ്യാപിച്ച് കെഎസ്ആർടിസി. സൂപ്പർ ഫാസ്റ്റ് ബസിൽ 1,000 രൂപ നിരക്കിൽ പോയി മടങ്ങി വരാവുന്ന പാക്കേജാണ് അധികൃതർ ആദ്യം പ്രഖ്യാപിച്ചത്. ഇതിന് പുറമേയാണ് ഇപ്പോൾ രണ്ട് പാക്കേജുകൾ കൂടി കെഎസ്ആർടിസി പ്രഖ്യാപിച്ചത്.
സൂപ്പർ ഫാസ്റ്റ് ബസിന് പുറമേ ഡീലക്സ് ബസിലും, ലോ ഫ്ളോർ ബസിലും യാത്രക്ക് അവസരം ഒരുക്കിയിട്ടുണ്ട്. ഡീലക്സ് ബസിൽ 1,200 രൂപയും, ലോ ഫ്ളോർ ബസിൽ 1,500 രൂപയുമാണ് നിരക്ക്. ഇരു വശത്തേക്കുമുള്ള യാത്ര, മൂന്നാറിൽ അന്തിയുറങ്ങാൻ കുറഞ്ഞ ചെലവിൽ സ്ളീപ്പർ ബസ് സൗകര്യം, സ്ഥലങ്ങളിൽ ചുറ്റിക്കറങ്ങാൻ സൈറ്റ് സീയിങ് സർവീസ് എന്നിവ ഉൾപ്പടെയുള്ള പാക്കേജാണിത്. ഭക്ഷണ ചിലവ് മാത്രമാണ് യാത്രക്കാർ സ്വയം വഹിക്കേണ്ടി വരിക.
Read also: ചിപ്പ് ക്ഷാമം; രാജ്യത്തെ വാഹന വിൽപന സെപ്റ്റംബറിൽ 41 ശതമാനം ഇടിഞ്ഞു