തിരുവനന്തപുരം: സംസ്ഥാന സർക്കാർ നേരിട്ട് വില നൽകി വാങ്ങിയ വാക്സിൻ മുൻഗണന പ്രകാരം വിതരണം ചെയ്യുമെന്ന് മുഖ്യമന്ത്രി പിണറായി വിജയൻ അറിയിച്ചു.
സർക്കാർ വാങ്ങാൻ തീരുമാനിച്ചതിൽ മൂന്നരലക്ഷം കോവിഷീൽഡ് വാക്സിൻ ഇന്ന് സംസ്ഥാനത്തെത്തി. ഗുരുതരമായ രോഗം ബാധിച്ചവർ, വീടുകളിൽ സന്ദർശനം നടത്തുന്ന വാർഡ് തല സന്നദ്ധ പ്രവർത്തകർ, മാദ്ധ്യമ പ്രവർത്തകർ, വളണ്ടിയർമാർ തുടങ്ങിയ മുൻഗണന ഗ്രൂപ്പിന് വാക്സിൻ ആദ്യം നൽകുമെന്ന് മുഖ്യമന്ത്രി വ്യക്തമാക്കി.
സർക്കാർ വാങ്ങിയ മൂന്നരലക്ഷം ഡോസ് കോവിഷീൽഡ് വാക്സിൻ ഇന്നുച്ചയോടെയാണ് നെടുമ്പാശേരിയിൽ എത്തിച്ചത്. പൂണെ സിറം ഇൻസ്റ്റിറ്റ്യൂട്ടിൽ നിന്നുമാണ് കേരളം വാക്സിൻ വാങ്ങിയത്. ഓരോ ജില്ലക്കും എത്ര ഡോസ് വാക്സിൻ വീതം നൽകണമെന്ന് സംസ്ഥാന ആരോഗ്യ വകുപ്പ് തീരുമാനിക്കും. ഇതിനുശേഷം ഓരോ ജില്ലക്കുമുള്ള വാക്സിൻ ഇവിടെ നിന്നും വിതരണം ചെയ്യും.
Read also: സംസ്ഥാനത്ത് ആരോഗ്യ പ്രവർത്തകരിൽ കോവിഡ് വ്യാപനം ഉയരുന്നു; ഇന്ന് 114 പേർക്ക്