ന്യൂഡെൽഹി: സ്‌കൂളുകൾ വീണ്ടും തുറക്കുന്നതിന് കുട്ടികൾക്ക് വാക്‌സിൻ നൽകണമെന്ന നിബന്ധനയില്ലെന്ന് കേന്ദ്രം. ഈ മാനദണ്ഡം ലോകത്തെവിടെയും സ്വീകാര്യമല്ലെന്ന് കേന്ദ്രത്തിന് വേണ്ടി നീതി ആയോഗ് അംഗം (ആരോഗ്യം) ഡോ. വികെ പോൾ പറഞ്ഞു.
രാജ്യത്തെ സ്‌കൂളുകൾ തുറക്കുന്നതിന് മുൻപായി കുട്ടികൾക്ക് പ്രതിരോധ കുത്തിവെപ്പ് ഉറപ്പാക്കണമെന്ന ആവശ്യങ്ങൾ ഉയർന്നു വരുന്നതിനിടെയാണ് ഈ പ്രതികരണം. എന്നാൽ സ്‌കൂളുകളിലെ മറ്റ് ജീവനക്കാരും, അധ്യാപകരും വാക്‌സിൻ എടുത്തിരിക്കണമെന്നും അദ്ദേഹം അഭിപ്രായപ്പെട്ടു.
കുട്ടികളിൽ ഉപയോഗിക്കാൻ കഴിയുന്ന വാക്‌സിനുകളുടെ സാധ്യത സർക്കാർ തേടുകയാണെന്നും, ഇത് ശാസ്‌ത്രീയമായ പഠനങ്ങളുടെ അടിസ്‌ഥാനത്തിൽ മാത്രം തീരുമാനം എടുക്കാൻ കഴിയുന്ന വിഷയമാണെന്നും അദ്ദേഹം ചൂണ്ടിക്കാട്ടി. സൈഡസ് വാക്‌സിൻ കുട്ടികളിലെ ഉപയോഗത്തിന് അനുമതി നേടിയിട്ടുണ്ടെന്നും ഡോ. വികെ പോൾ പറഞ്ഞു.
ആഗോള തലത്തിൽ വളരെ കുറച്ച് രാജ്യങ്ങൾ മാത്രമാണ് കുട്ടികൾക്ക് പ്രതിരോധ കുത്തിവെപ്പ് ഏർപ്പെടുത്തിയത്, എന്നാൽ ഇതിന് ലോകാരോഗ്യ സംഘടനയുടെ ശുപാർശ ഇല്ലെന്നും അദ്ദേഹം പറഞ്ഞു. കഴിഞ്ഞ ദിവസം ക്യൂബയിൽ കുട്ടികൾക്കുള്ള വാക്‌സിനേഷൻ ആരംഭിച്ചിരുന്നു. രണ്ട് വയസിന് മുകളിലുള്ള കുട്ടികൾക്കാണ് ഇവിടെ കോവിഡ് വാക്‌സിൻ കൊടുത്തു തുടങ്ങിയത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
