തിരുവനന്തപുരം: യൂത്ത് കോൺഗ്രസ് സംസ്ഥാന സെക്രട്ടറി അഡ്വ. വീണ എസ് നായർ വട്ടിയൂർക്കാവിൽ യുഡിഎഫ് സ്ഥാനാർഥിയാകും. മണ്ഡലത്തിൽ നേരത്തെ തന്നെ വീണയെ പരിഗണിച്ചിരുന്നു എങ്കിലും പിന്നീട് തീരുമാനം പിൻവലിച്ചിരുന്നു. സ്ഥാനാർഥി പട്ടികയിൽ വനിതാ പ്രാധിനിത്യം കുറഞ്ഞുവെന്ന ആക്ഷേപം ഉയർന്നതിന് പിന്നാലെയാണ് പ്രധാന മണ്ഡലങ്ങളിൽ ഒന്നിൽ വീണയെ വീണ്ടും പരിഗണിച്ചത് എന്നാണ് റിപ്പോർട്.
ധർമടം ഉൾപ്പെടെ ആറ് സീറ്റുകളിലാണ് കോൺഗ്രസിന് ഇനിയും സ്ഥാനാർഥികളെ പ്രഖ്യാപിക്കേണ്ടത്. ഇന്ന് വൈകിട്ടോടെ അന്തിമ തീരുമാനം പുറത്തുവിടാൻ സാധിക്കുമെന്നാണ് നേതൃത്വത്തിന്റെ പ്രതീക്ഷ. എന്നാൽ പ്രതിസന്ധി നിലനിൽക്കുന്ന ഇരിക്കൂർ മണ്ഡലത്തിൽ സമവായ ചർച്ചകൾ ഫലം കണ്ടില്ല. സ്ഥാനാർഥിയെ മാറ്റാതെ പിന്നോട്ടില്ലെന്നാണ് എ ഗ്രൂപ്പിന്റെ നിലപാട്.
Read also: ഇരിക്കൂറിൽ ചർച്ച പരാജയം; നിലപാടിൽ മാറ്റമില്ലെന്ന് എ ഗ്രൂപ്പ്